ჯაშუშობის შიშით რუსეთში ათასობით სახელმწიფო მოხელეს iPhone-ისა და სხვა Apple-ის ტექნოლოგიების გამოყენებააეკრძალა. ამის შესახებ ინფორმაცია რუსეთის ვაჭრობის სამინისტრომ გაავრცელა.
ამერიკული კომპანიის ტექნოლოგიების გამოყენება თანამშრომლებს ასევე ასევე აუკრძალა ციფრული განვითარების სამინისტრომ და სახელმწიფო კომპანია Rostec-მა.
“სამინისტროებში უსაფრთხოების დეპარტამენტის თანამშრომლებმა, რომლებიც საჯარო თანამდებობის მქონე FSB-ს თანამშრომლები არიან, დააანონსეს, რომ iPhone-ი აღარ იყო უსაფრთხო და საჭიროა ალტერნატიული საშუალებების მოძიება”. – ამბობს რუსეთის ერთ-ერთ სახელმწიფო უწყების თანამშრომელი.
მოსკოვის კამპანია Apple-ის წინააღმდეგ დაიწყო მას შემდეგ, რაც ივნისში FSB-მ განაცხადა, რომ აშშ-ს დაზვერვა რუსეთში ჯაშუშობისთვის Apple-ის ტექნოლოგიებს იყენებს.
“პრეზიდენტის ადმინისტრაციაში ყველამ იცის, რომ iPhone-ი სრულად გამჭვირვალე მოწყობილობაა და მისი გამოყენება ოფიციალური მიზნებისთვის მიუღებელი და აკრძალულია”. – თქვა პესკოვმა ივნისში.
Apple-მა უარყო ბრალდება და განაცხადა, რომ არასდროს უმუშავია არცერთ მთავრობასთან საკუთარი პროდუქციის პოლიტიკური მიზნებისთვის გამოსაყენებლად.
,,ტაბულა”
კომენტარები