რუსეთის თავდაცვის სამინისტრო შავი ზღვის თავზე ამერიკული უპილოტო საფრენი აპარატის ჩამოვარდნის ფაქტზე განცხადებას ავრცელებს.
რუსული მხარე ამბობს, რომ ამერიკული დრონი „საკუთარი მკვეთრი მანევრის გამო“ ჩამოვარდა და რუსული თვითმფრინავები მასთან კონტაქტში არ შესულან.
„მკვეთრი მანევრირების შედეგად MQ-9-ის ტიპის უპილოტო საფრენმა აპარატმა უკონტროლო ფრენისას სიმაღლე დაკარგა და წყლის ზედაპირს შეეჯახა. რუს მებრძოლებს არ გამოუყენებიათ საჰაერო სადესანტო იარაღი და უპილოტო საფრენ აპარატთან კონტაქტში არ შედიოდნენ. ფრენის შემდეგ ისინი უსაფრთხოდ დაბრუნდნენ მშობლიურ აეროდრომზე“, – აღნიშნულია რუსეთის თავდაცვის სამინისტროს განცხადებაში.
ცნობისთვის, BBC-ის ინფორმაციით, რუსული გამანადგურებელი ამერიკულ დრონს შეეჯახა, რის შედეგადაც ამერიკული უპილოტო თვითმფრინავი შავ ზღვაში ჩავარდა.
კომენტარები