რუსეთის მოქალაქეებისთვის სავიზო რეჟიმის შემოღებაზე პეტიციას ხელი 10 000-ზე მეტმა ადამიანმა მოაწერა

პეტიციით მოქალაქეები სავიზო რეჟიმის დაწესებას რუსეთის გარდა, ბელარუსის მოქალაქეებისთვისაც ითხოვენ.

რატომ არის მნიშვნელოვანი: პეტიცია გუშინ, 3 აგვისტოს შეიქმნა და მას უკვე 10 834 ხელმომწერი ჰყავს.

დეტალები: მისი ადრესატები საქართველოს მთავრობა, პრეზიდენტი და პარლამენტი არიან.

“დაწესდეს რუსეთის და ბელარუსის მოქალაქეთათვის სავიზო რეჟიმი, რომლის მიხედვითაც წლის განმავლობაში რუსეთის და ბელარუსის მოქალაქეები 3 თვეზე მეტი დროით ვერ შეძლებენ საქართველოს ტერიტორიაზე ყოფნას.”
“რაც უზრუნველყოფს რუსეთის და ბელარუსის მოქალაქეების მხოლოდ ტურისტული მიზნებისთვის საქართველოში მოგზაურობას.”