რუსეთმა უკრაინასა და დიდ ბრიტანეთს ქვეყნის ღალატში ბრალდებული ვიქტორ მედვედჩუკის ბრიტანეთის 2 მოქალაქეზე გაცვლა შესთავაზა.
ვიდეომიმართვაში მედვედჩუკის მეუღლემ ოქსანა მარჩენკომ განაცხადა, რომ რუსეთი მზადაა, უკრაინას მისი ქმარი ბრიტანეთის 2 მოქალაქეში გაუცვალოს, რომლებიც მარიუპოლში უკრაინისთვის იბრძოდნენ და რუსებმა ტყვედ აიყვანეს.
მარჩენკომ დატყვევებული ბრიტანელების ნათესავებს სთხოვა, რომ ბრიტანეთის პრემიერ-მინისტრს ბორის ჯონსონს დაუკავშირდნენ, რათა „ზეგავლენა მოახდინონ უკრაინის ხელმძღვანელობაზე და მიაღწიონ ეიდენისა და შონის გათავისუფლებას“.
მარჩენკოს მიმართვის გამოქვეყნებიდან მალევე, რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა, რომ იმედი აქვს, ბრიტანეთისგან მედვედჩუკის მეუღლის თხოვნაზე სწრაფ პასუხს მიიღებს.
შეგახსენებთ, 27 თებერვალს ღალატში ეჭვმიტანილი სახალხო დეპუტატი ვიქტორ მედვედჩუკი შინაპატიმრობიდან გაიქცა. 12 აპრილის იგი უკრაინულმა მხარემ დააპატიმრა, რის შემდეგაც უკრაინის პრეზიდენტმა რუსულ მხარეს მისი ტყვეებში გაცვლა შესთავაზა.
კომენტარები