“რუსეთი პოკროვსკის აღებას 17 თვეზე მეტია ცდილობს” – რა ხდება ფრონტის წინა ხაზზე?

უკრაინის შეიარაღებული ძალების მთავარსარდალი ალექსანდრ სირსკი მონაწილეობდა უკრაინის თავდაცვის საკითხებზე საკონტაქტო ჯგუფის 32-ე შეხვედრაში, სადაც განაცხადა:

„მტერი პოკროვსკის აღებას 17 თვეზე მეტია ცდილობს. თუმცა, უკრაინული ქვედანაყოფები ხაზს ინარჩუნებენ და ინიციატივას იბრუნებენ. კონტრშეტევითი მოქმედებების შედეგად, ქალაქის ჩრდილოეთ ნაწილში 16 კვადრატულ კილომეტრზე კონტროლი აღვადგინეთ. ასევე, დავიბრუნეთ 56 კვადრატული კილომეტრი ტერიტორია პოკროვსკის დასავლეთით მდებარე გრიშინოს, კოტლინოსა და უდაჩნოეს დასახლებებში“