“რუსებს აქ ნაყიდი ბინები ჩამოერთმევათ და ფული უკრაინაში გადაირიცხება… მე ვაძლევ მათ ამის გარანტიას” – სააკაშვილი

საქართველოს მესამე პრეზიდენტი, მიხეილ სააკაშვილი რუსეთის მოქალაქეების მიერ საქართველოში ბინების ყიდვას გამოეხმაურა და სასამართლო პროცესზე, თქვა:

“იმ რუსებზე მინდა ვთქვა, ვინც ყიდულობენ მასობრივად ბინებს საქართველოში – ხელისუფლება რომ შეიცვლება… საერთოდ პუტინი რომ მოშორდება, წააგებს ამ ომს, ბევრი ცუდი ტიპი მოშორდება მთელ მსოფლიოში, მათ შორის ესენი მოშორდებიან. მაგრამ, რუსებს, ვინც მასობრივად ყიდულობს ბინებს, მე ვაძლევ მათ გარანტიას, რომ მათ ეს ბინები ჩამოერთმევათ, ეს ბინები გაიყიდება, და ეს ფული გადაირიცხება უკრაინაში […] ჩვენ არ გვჭირდება რუსეთიდან მოპარული ფულით აქ ნაყიდი ბინები. რატომ? იმიტომ, რომ ჩვენ არ გვჭირდება აქ რუსული ეთნიკური უმცირესობა, კიდევ კარგი, რუსული ეთნიკური უმცირესობა არ გვყავს, ეს არის ყოველთვის პირველი საბაბი რომელიმე ქვეყანაში შესვლის, კუდის მოქნევის”