დონეცკის ოლქში, კონსტანტინოვკასთან, დრონმა ჰუმანიტარული მისიის Proliska-ს ავტომობილს დაარტყა, სადაც ავსტრიელი და ესპანელი ჟურნალისტები იმყოფებოდნენ. როგორც ავსტრიული სააგენტო ORF-ი იუწყება, თავდასხმა მოხდა ფრონტის ხაზთან ახლოს, თუმცა დაშავებულები არ არიან.
კონსტანტინოვკის სამხედრო ადმინისტრაციის ხელმძღვანელის, სერგეი გორბუნოვის თქმით, მანქანას FPV ტიპის დრონი მოხვდა. დაზიანდა ჯავშანმანქანა, რომელიც სამოქალაქო მოსახლეობის ევაკუაციისთვის გამოიყენებოდა.
უკრაინელმა მოხალისემ ევგენი ტკაჩოვმა გამოაქვეყნა ვიდეო, სადაც ჩანს დარტყმის მომენტი. მისი თქმით, დრონი აღჭურვილი იყო სატანკო ტიპის დამტენით და ავტომობილზე გამჭოლი ხვრელები დარჩა.
კომენტარები