“მთავარი არხის” ერთ-ერთი მეწილის გიორგი რურუას ადვოკატის დიმიტრი საძაგლიშვილის განცხადებით, რურუაზე ფიზიკური თავდასხმა ხელისუფლების ორგანიზებით მოხფა.
მისივე თქმით, მომხდარ ფაქტს წინ რაიმე შელაპარაკება არ უძღვოდა და ხელისუფლებამ ხელისუფლებამ ეს „რამდნიმე კრიმინალს დაავალა“.
„ეს არ იყო პატიმარზე ერთობლივი თავდასხმა, ეს იყო ხელისუფლების მხრიდან ორგანიზებული თავდასხმა, რაც ბუნებრივია დაევალებოდა მათი მითითებების შემსრულებელ 2-3 კრიმინალს. შესაბამისად, მოხდა მასზე ფიზიკური თავდასხმა. გამომდინარე იქიდან რომ ეს მოხდა არჩევნებიდან ერთ დღეში, ეჭვი არ გვეპარება, რომ ეს ორგანიზებული იყო, არანაირი უთანხმოება ან შელაპარაკება არ უძღვოდა წინ ამ ინციდენტს“, – განაცხადა დიმიტრი საძაგლიშვილმა.
ამასთან, ადვოკატის თქმით, ამ დროისთვის გიორგი რურუას ჯანმრთელობის მდგომარეობა დამაკმაყოფილებელია.
შეგახსენებთ, ციხეში გიორგი რურუას თავს დაესხნენ და ფიზიკურად გაუსწორდნენ. მომხდარის შესახებ განცხადება პენიტენციურმა სამსახურმაც გაავრცელა.
კომენტარები