ცნობილი მსახიობი და ტელესახე ნანკა კალატოზიშვილი თათია შარანგიას გადაცემა „სთორის“ სტუმრობდა.
გადაცემაში ნანკამ მშობლების შესახებ ისაუბრა.
როგორც ცნობილი გახდა, მსახიობმა მამა აფხაზეთის ომში დაკარგა.
მან სიცოცხლე გმირულად დაასრულა – ბავშვის სიცოცხლე გადაარჩინა, თვითონ კი დაიღუპა.
„არ ვყვები ზოგადად ამ თემაზე… ვერ ვყვები, 30 წელი გავიდა…
საშინელებაა, ის მოლოდინის რეჟიმი, როცა აცილებ, როგორ ბრუნდება…
ჩემზე პატარა იყო რომ გარდაიცვალა, კინოსტუდიაში მუშაობდა, ძალიან კარგი ადამიანი იყო, პაციფისტი. ალბათ, საერთოდ არ უფიქრია, რომ ადამიანები უნდა მოეკლა, ომში წასულიყო.
როცა ჩამოასვენეს, მაჩუქეს ტყვია. 1 ტყვია მოიტანეს და მითხრეს, რომ ეს ერთი ტყვია ყველას ჰქონდა, რადგან, ტყვედ რომ ჩავარდნილიყვნენ თავი მოეკლათ.
დღევანდელ დღესაც და 30 წლის მერეც ვერ ვყვები ამას…”
„როცა გარდაიცვალა, მისი ფეხსაცმელებით დავდიოდი მერე ცოტა ხანი,“- თქვა ნანკამ.
ნანკამ „სთორის“ ეთერში დედის შესახებაც ისაუბრა. როგორც ნანკამ აღნიშნა, დედა 37 წლის ასაკში დაქვრივდა და 3 ბავშვი დარჩა.
„დაქვრივდა და დარჩა სრულიად მარტო, 3 ბავშვით.
დედაჩემს ყველაზე ბედნიერი და ყველაზე უბედური დღე ჰქონდა ერთ დღეს.
იმ დღეს, როდესაც მამაჩემი ჩამოასვენეს, ის სამშობიაროდან მოდიოდა, რადგან ჩემს დას შვილი გაუჩნდა.
ყველაზე ბედნიერი მოდიოდა, პირველი შვილიშვილი შეეძინა და მე მახსოვს, ამ დროს ლოგინის ქვეშ შევძვერი იმიტომ, რომ არ მინდოდა მენახა მისი რეაქცია,”- აღნიშნა ნანკამ.
კომენტარები