თებერვალი მზარდი მთვარის ენერგიით დაიწყო. როგორც ასტროლოგები ამბობენ, ეს დრო ახალი წამოწყებებისა და მნიშვნელოვანი გადაწყვეტილებების მიღებისთვის ყველაზე ხელსაყრელია.
ხოლო, ახალი მთვარისა და სავსე მთვარის პერიოდში ადამიანები მომატებულ ემოციურობასა და გაღიზიანებადობას გრძნობენ. შესაბამისად, ამ დღეებში რადიკალური გადაწყვეტილებების მიღება არ ღირს. მომატებული ემოციური ფონის გამო, შესაძლოა, მოვლენების ობიექტურად აღქმა გაგვიჭირდეს და შედეგით უკმაყოფილოები აღმოვჩნდეთ.
ასევე, ითვლება, რომ კლებადი მთვარის დროს ენერგია ყველაზე მეტად მცირდება. აღნიშნულ პერიოდში ჯობს, მიმდინარე საქმეებზე გავაკეთოთ აქცენტი და ახალი წამოწყებები, მოლაპარაკებები შემდგომი პერიოდისათვის გადავდოთ.
2025 წლის თებერვლის მთვარის ფაზები თარიღების მიხედვით ასეთია:
1 – 11 თებერვალი – მზარდი მთვარე;
12 თებერვალი – სავსე მთვარე;
13 – 27 თებერვალი – კლებადი მთვარე;
28 თებერვალი – ახალი მთვარე.
შესაბამისად, 12 და 28 თებერვალი ენერგეტიკულად არც თუ ისე ხელსაყრელ თარიღებად ითვლება. ასევე, 13-დან 27 თებერვლის ჩათვლით შესაძლოა, ენერგიის ნაკლებობა და უმოტივაციობა ვიგრძნოთ. უფრო ზუსტად:
კლებადი მთვარის პერიოდში განსაკუთრებით მნიშვნელოვანია, რომ არსებულ საქმეებსა და პროექტებზე ვკონცენტრირდეთ და ყველაფერი, რაც დავიწყეთ, დავასრულოთ. ამავდროულად, ჯობს ეს პერიოდი გეგმების შედგენას დავუთმოთ, განვსაზღვროთ, რისი გაკეთება გვსურს და როგორ შეიძლება, მიზნებს მივაღწიოთ.
ახალი მთვარე, როგორც წესი, ძალიან დიდი ენერგიით ხასიათდება და შესაძლოა, ამ დღეს მომატებული შფოთვა, გაღიზიანებადობა ვიგრძნოთ. ჯობს, ეს დღე დასვენებას დაუთმოთ. განიტვირთეთ, მაქსიმალურად მოერიდეთ კონფლიქტურ სიტუაციებს. ამავდროულად, ახალი მთვარე საუკეთესო პერიოდია, ახალი საქმეებისა და მიზნების ჩამოსაყალიბებლად.
სავსე მთვარის დღეს თითოეული ადამიანი მომატებულ ენერგიას გრძნობს. აქ კი მნიშვნელოვანია, ეს ენერგია სწორად გამოვიყენოთ. დაუთმეთ დრო შემოქმედებას, კარგად დააკვირდით თქვენს იდეებს, შესაძლოა, მათში რაღაც განსაკუთრებული და საინტერესო იმალებოდეს. ყურადღება მიაქციეთ ნიშნებს. როგორც ასტროლოგები ამბობენ, ამ დღეს სიზმრებს განსაკუთრებული მნიშვნელობა აქვს. განიტვირთეთ, ძალები აღიდგინეთ და მიზნისკენ სვლას გაცილებით დიდი მოტივაციით შეძლებთ.
მზარდი მთვარის დრო კი თვის ყველაზე ხელსაყრელი პერიოდია, როდესაც თითოეული ადამიანი მომატებულ ენერგიას გრძნობს და შეუძლია, ის საქმეებიც კი, რომლებიც რთულად ეჩვენებოდა, მარტივად გადაჭრას. თუკი რაიმე მნიშვნელოვანის დაწყება გსურთ, აპირებთ სადმე მონაწილეობას, ხელშეკრულების გაფორმებას, მოლაპარაკებებს, აღნიშნულ პერიოდში დაგეგმეთ. წარმატების გაცილებით მეტი შანსი გექნებათ.
კომენტარები