მწერალი, „ქართული ოცნების“ ერთ-ერთი დამფუძნებელი მერაბ შათირიშვილი სოციალურ ქსელში წერს:
“თუ ვინმეს ეკუთვნის კანდიდატის სტატუსი, ეკუთვნის საქართველოს და შემდეგ ეკუთვნის უკრაინასა და მოლდოვას. რომ იძახიან, უკრაინა ომშია და ამის გამო მას უნდა მიენიჭოს, უკაცრავად, თუ ომით განისაზღვრება სტატუსის მინიჭება, ჩვენ ომი არ გვინდა, ჩვენ ვითხოვთ დამსახურებულ სტატუსს.” ასეთ განაცხადს ჭეშმარიტი, ხალხის ინტერესებისა და სახელმწიფოებრივი ღირსების დამცველი პრემიერი თუ გააკეთებს და, დიახ, საქართველო ოდითგანვე არსებობს და სხვა ქვეყნებივით არ შეკოწიწებულა, მომავალშიც იარსებებს და მყობადობის უკვდავებასაც გაინაღდებს… ვინც რაც უნდა ის თქვას, არ მაღელვებს, მე კი ვიტყოდი, რომ ბედნიერია ერი, რომელსაც მისი ინტერესების გამტარებელი ხელისუფალი ჰყავს!.. რომელი უკრაინა მიიღეს ევროკავშირის კანდიდატად – კრიმწართმეული? დომბასისა და ლუგანსკის გარეშე?.. მიწასთან გასწორებული ქალაქებით?.. ეს ხომ პოლიტიკური ფარისევლობაა?.. დიახ, ჩვენ არც ომი გვინდა და არც ფარისევლური კავშირი!..“
კომენტარები