სტატისტიკის ეროვნული სამსახურის მონაცემებით, 2021 წლის დეკემბერში წინა თვესთან შედარებით ინფლაციის დონემ საქართველოში 0.3 პროცენტი, ხოლო წლიური ინფლაციის დონემ 13.9 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2021 წლის დეკემბერში, გასული წლის შესაბამის პერიოდთან შედარებით 5.9 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 6 პროცენტით განისაზღვრა.
გთავაზობთ top-10 საკვები პროდუქტის ჩამონათვალს, რომელიც დეკემბერში გასული წლის ანალოგიურ პერიოდთან შედარებით ყველაზე მეტად გაძვირდა:
- კომბოსტო – 199,1%
- კვერცხი – 37.5 %
- ბადრიჯანი – 36.4%
- ზეთი -36%
- ჭარხალი – 33.6%
- შაქარი – 33.3%
- კარტოფილი – 32.8%
- მარგარინი – 32.8%
- წიწიბურა – 28.2%
- გაყინული ქათმის ხორცი – 25.5%
გარდა ამისა, დეკემბერში გაძვირებულია კიდევ 254 დასახელების პროდუქტი და მომსახურება. გაიაფდა 31 დასახელების პროდუქტი, ხოლო 10-ის ფასი უცვლელად დარჩა.
შეგახსენებთ, რომ ნოემბერში წლიური ინფლაცია 12,5% იყო, ოქტომბერში — 12,8%, სექტემბერში — 12,3%, აგვისტოში — 12,8%, ივლისში — 11,9%, ივნისში — 9,9%, მაისში — 7,7%, ხოლო აპრილსა და მარტში — 7,2%.
კომენტარები