რომელ ასაკობრივ ჯგუფში გვყავს ყველაზე მეტი ინფიცირებული? – სტატისტიკა

დაავადებათა კონტროლისა და საზოგადოებრივი ჯანმრთელობის ეროვნული ცენტრმა როგორც იქნა გამოაქვეყნა ასაკობრივი სტატისტიკა, რომელსაც უკვე თვეზე მეტია “ალია” ითხოვს და რომელზედაც აქამდე პასუხი არ იყო. ბატონმა ამირანმაც გამოტოვა სტატისტიკაზე დასმული “ალიას” კითხვა

 სტატისტიკის მიხედვით, 28 აპრილის მონაცემებით, საქართველოში ინფიცირებულებიდან ყველაზე მეტი – 22% სწორედ 15-29 წლის ასაკისაა.

ძალიან საინტერესო იყო 15-დან 18 წლამდე, ან 20 წლამდე პროცენტიც, რადგან თუ ყურადღებას მივაქცევთ ყველა ასაკობრივ ზღვარს შორის 9 წელია გამოტოვებული მხოლოდ 15-დან 29 წლამდეა დათვლილი 14 წლიანი შუალედით. გასაგებია, ეს პროცენტის გამოყვანის ევროპული მოდელია, მაგრამ, როგორც სხვა ბევრ მაგალითზე ვნახეთ, ევროპული მოდელი, არც თუ ისე გამოსადეგი და სანდოა ხოლმე ჩვენთვის.

არადა, მოზარდისა და 29 წლის ადამიანის ორგანიზმი ნამდვილად არ არის მსგავსი. იმედია, ოდესმე, სრულყოფილი სტატისტიკაც გვექნება.

რატომ გვაქვს ყველაზე მეტი შემთხვევა ახალგაზრდებში? – ეს ის კითხვაა რომელიც არაერთხელ დასვა “ალიამ” – თუმცა, პასუხი ვერც ამ კითხვაზე მოვისმინეთ.

იყო ვერსია, რომ ახალგაზრდები მეტს მოგზაურობენ და სწორედ მაგიტომ.

მეორე ვერსიის მიხედვით, შედარებით ზედა ასაკობრივ ზღვარში მყოფ პირებს”ბეცეჟეს” ძველი აცრები იცავს.

და არის მესამე ვერსია, უკვე ყველა ასაკობრივ ზღვარზე – ვირუსი განსხვავებულას მუტირებს განსხვავებულ ეთნიკურ ჯგუფებში და სწორედ ამიტომ არ გვაქვს აფეთქება საქართველოში.

იმედია, ოდესმე მეცნიერული კვლევა გასცემს ამ კითხვებს პასუხს.

მანამდე კი, კიდევ ერთხელ “ალია” სვამს კითხვას – ბატონო ამირან – როგორია სტატისტიკა 15-დან 18 წლამდე ასაკობრივ ჯგუფში?

და თუ ეს მონაცემიც გვექნება შეიცვლება თუ არა და როგორ შეიცვლება 15-დან 29 წლამდე ასაკობრივი ზღვარის სტატისტიკა?

2-4 წლამდე – 3 პროცენტი

5-დან 14 წლამდე – 4 პროცენტი

15-დან 29 წლამდე – 22 პროცენტი

30-დან 39 წლამდე 17 პროცენტი

40-დან 49 წლამდე 14 პროცენტი

50-59-წლამდე 19 პროცენტი

60-69-წლამდე – 12 პროცენტი

70-79 წლამდე – 7 პროცენტი

80-დან ზემოთ – 3 პროცენტი

ქვემოთ მოცემულია იგივე სტატისტიკა უკვე ევროპაში, რომელიც, როგორც ვხედავთ განსხვავდება ქართული სტატისტიკისგან და იქ ყველაზე მაღალი მაჩვენებელი 50-59 წლებში გვაქვს.

ალია