17 მაისი საქართველოს ისტორიაში შევიდა, როგორც სამარცხვინო დღე, როდესაც ბნელმა ძალებმა საქართველოს საპატრიარქოს წინამძღოლობით, ტაბურეტიანი მღვდლების მეთაურობით საშინლად დაარბია ქუჩაში გამოსული ადამიანები და ეს ძალადობა მათ ჩაიდინეს ოჯახური სიწმინდისა და ქართული ტრადიციების შენარჩუნების ლოზუნგით, – ამის შესახებ ოპოზიციონერმა დეპუტატმა, რომან გოცირიძემ განაცხადა.
„მეგობრებო მთელ მსოფლიოში 17 მაისი აღინიშნება, როგორც ჰომოფობიის წინააღმდეგ ბრძოლის დღე. მაგრამ საქართველოში ეს დღეს შევიდა როგორც სამარცხვინო დღე. როგორც სამარცხვინო ლაქა საქართველოს ეკლესიისა და საქართველოს მთავრობის, ასე ვთქვათ, სხეულზე.
17 მაისს, ბრბომ, აგრესიული ადამიანების ერთობამ, ჯოგმა, რომელთაც წინ მიუძღოდათ მღვდლები ტაბურეტკებით ხელში. აი, ამ სკამებით გადაუარეს ქუჩაში გამოსულ მომიტინგეებს. და იმ დღიდან მოყოლებული საქართველოს საპატრიარქომ 17 მაისი გამოაცხადა ოჯახური სიწმინდის დღედ. ცინიკური მოვლენაა, როდესაც აგრესიისა და დარბევის დღეს აცხადებ რაღაცის სიწმინდის დღედ და მოხდა საოცრება, ახლა პირველად 17 მაისი გამოაცხადა უქმე დღედ, არასამუშაო დღედ. დაიხურება ყველაფერი, სამუშაო ადგილები, ინსტიტუტები, სკოლები, ბაღები და მთავრობამ მოუწოდა ხალხს, რომ გამოვიდნენ ქუჩაში და ეკლესიის წარმომადგენლებთან ერთად გაიარონ მარშით რუსთაველი პროსპექტი და მივიდნენ სამებამდე.
ცნობილ ფრანგ მწერალს ალბერტ კამიუს აქვს ასეთი სიტყვები, იქ სადაც რელიგია უერთდება პოლიტიკას, წარმოიშობა ინკვიზიცია. არცერთი წესიერი ადამიანი არ უნდა გამოვიდეს ქუჩაში 17 მაისს.
არ მიხვიდეთ 17 მაისს, ეს არ არის ოჯახური სიწმინდის დღე. ეს არის ძალადობის დღე.
ჩვენ ვცხოვრობთ სეკულარულ, ანუ საერო სახელმწიფოში და ნებისმიერი ხელისუფლება, რომელიც შეცდება რელიგია, ეკლესია გამოიყენოს პოლიტიკური მიზნებისთვის, ის ვნებს ქვეყნის მომავალს, ის ვნებს მის მომავალს განვითარებას, იქცევა არაჰუმანურად. და საკუთარი პოლიტიკური მიზნების მისაღწევად, მათ შრის მოსყიდვის გზით, იყენებს სასულიერო ინსტიტუტებს.
17 მაისს არავინ უნდა გავიდეს ქუჩაში. აი ამ მარშზე, რომლის ორგანიზატორები საქართველოს საპატრიარქო და საქართველოს მთავრობა. – განაცხადა რომან გოცირიძემ ვიდეო მიმართვაში, რომელიც “ფეისბუკზე” გამოაქვეყნა.
ცნობისთვის, 2024 წლის 17 მაისს, ოჯახის სიწმინდისა და მშობლების პატივისცემის დღესთან დაკავშირებით, სრულიად საქართველოს კათოლიკოს-პატრიარქ ილია II-ის ლოცვა-კურთხევით, მსვლელობა გაიმართება.
კომენტარები