ჟურნალისტი, „კავკასიის“ დირექტორი, ნინო ჯანგირაშვილი:
„რომ ვიცოდეთ რა გველის დაზუსტებით: წინა კვირას ევროპის ქვეყნებმა წერილი გამოუგზავნეს ქოცებს. ამათ უპასუხეს ისევ თავის მოგიჟიანებით და დიფსთეითიდიფსთეითიდიფსთეითი–ს ძახილით. თავდაპირველად წერილის ხელმომწერი იყო 17 ქვეყანა. აქედან 3 არ იყო ევროკავშირის წევრი. დღეს თუ შეხვალთ იგივე წერილის ლინკზე, დამატებულია 18–ე ქვეყანა, ავსტრია, რომელიც არის ევროკავშირის წევრი. რას ნიშნავს ეს ყველაფერი? ეს თხუთმეტი ევროკავშირის წევრი ქვეყანა წარმოადგენს კვალიფიციურ უმრავლესობას და ახლავე გეტყვით როგორ: კვალიფიციური უმრავლესობისთვის საჭიროა 15 ქვეყანა, თუმცა ეს არ არის საკმარისი. აუცილებელია, რომ ამ ქვეყნების მოსახლეობის ჯამი ევროკავშირის მოსახლეობის 65%–ს შეადგენდეს. ევროკავშირის მოსახლეობა შეადგენს 450 მილიონს. დავთვალოთ: ხელმომწერი ქვეყნები: ავსტრია, ბელგია, ჩეხეთი, დანია, ესტონეთი, ფინეთი, საფრანგეთი, გერმანია, ირლანდია, ლატვია, ლიტვა, ნიდერლანდები, პოლონეთი, ესპანეთი, შვედეთი. მათი მოსახლეობის ჯამი: 319 / 450 = 70.8% – ანუ გადაცილებულია 65%-ს.
ანუ, ფაქტიურად ოცნებას ამ ქვეყნებმა პირდაპირ უთხრეს, რომ თუ გააგრძელებს იმის კეთებას, რასაც აკეთებს საქართველოსთვის უვიზოს შესაჩერებლად ყველაფერი მზად არის და პრობლემა არ ექნებათ გადაწყვეტილების მიღებაში. ქოცმა ისევ თავის მოგიჟიანებით და დედის გინებით უპასუხა. შესაბამისად, როცა უახლოეს მომავალში შეჩერდება ევროკავშირთან უვიზო, ნუ დაიწყებთ მიზეზების ძებნას სადღაც შორს, დიფსთეითებში და ომის პარტიებში. აგერ გყავთ ქოცი, რომელმაც ზუსტად იცის რასაც აკეთებს, მაგრამ მაინც აკეთებს.“
კომენტარები