გერმანიის ყოფილი კანცლერი ანგელა მერკელი, გუშინ რომის ქუჩებში მოსეირნე შენიშნეს. თან სამოქალაქო სამოსიანი დაცვა ახლდა. როგორც ჩანს მერკელმა პირობა შეასრულა. პირობა კი, შვიდ ოქტომბერს ოფიციალური გამოსამშვიდობებელი ვიზიტისას, რომში დადო, სადაც რომის პაპსა და იტალიის პრემიერ-მინისტრ მარიო დრაგისთან შეხვედრები გამართა.
პრემიერთან შეხვედრაზე გერმანიის კანცლერმა ემოციები ვერ დამალა და იტალიის მიმართ განსაკუთრებული სიმპათია გამოხატა და შეიძლება ითქვას სიყვარულში გამოუტყდა.
“იტალიაში აუცილებლად დავბრუნდები, ოღონდ სხვა სიტუაციაში, მაშინ როდესაც კანცლერი აღარ ვიქნები, მაგრამ საკმარისია რომში ერთი დღის გატარებაც კი იმის გასაგებად, რომ სამი სიცოცხლეც არ არის საკმარისი ამ ულამაზესი ქვეყნის გასაცნობად“, თქვა მაშინ ანგელა მერკელმა პრესკონფერენციაზე.
კომენტარები