პირველი საუნივერსიტეტო კლინიკაში მკურნალობას 17 ინფიცირებული პაციენტი განაგრძობს, დანარჩენი 50 პაციენტი არის საეჭვო შემთხვევა, – ამის შესახებ კლინიკის დირექტორმა, ლევან რატიანმა ჟურნალისტებს განუცხადა.
„მსოფლიო ჯანდაცვის ორგანიზაციამ მცნება მოგზაურობა ამოაგდო და აქედან გამომდინარე, ყველა მოქალაქე, რომელიც ჩვენს კლინიკაში შემოვა, აქვს თუ არა მოგზაურობის ისტორია, ანამნეზი – ცხელება პლუს სუნთქვის უკმარისობა – კორონავირუსზე გამოკვლევას ექვემდებარება“, – აღნიშნა რატიანმა.
მისივე განცხადებით, ამ დროისთის რეანიმაციაში არის რამდენიმე კრიტიკული პაციენტი, მათი მდგომარეობა ამ ეტაპზე მძიმეა.
„გვყავს რამდენიმე ახალშობილიც, მათი მდგომარეობა მძიმეა მაგრამ ამ ეტაპზე მართვადია, ვინაიდან არც ერთი მართვით სუნთქვაზე არ იმყოფება. სამი ინფიცირებულის მდგომარეობა მკვეთრად გაუმჯოსებებულია. ამ დღეებში გავაგზავნით განმეორებით ტესტებს. თუ ორჯერადად უარყოფითი პასუხი მოვა, რამდენიმე დღეში ისინი დატოვებენ კლინიკას“, – აღნიშნა ექიმმა.
კომენტარები