დიდ დიღომში, ბენდუქიძის დასახლებაში მომხდარი აფეთქების დროს დაშავებული 30 წლამდე ქალი ამ დრომდე ხეჩინაშვილის კლინიკის რეანიმაციულ განყოფილებაში რჩება. მისი მდგომარეობა მძიმეა.
ასევე კრიტიკულად მძიმეა აფეთქების შედეგად დაშავებული 1 წლამდე ბავშვის მდგომარეობა.
„ბავშვი კვლავ რეანიმაციულ განყოფილებაში რჩება, მისი მდგომარეობა კრიტიკულად მძიმეა“. – განაცხადა იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ..
არსებული ინფორმაციით, დიდ დიღომში, ბენდუქიძის დასახლებაში მომხდარი აფეთქების მიზეზი, სავარაუდოდ, საცხოვრებელ სახლში დამონტაჟებული წყლის გამაცხელებლიდან ბუნებრივი აირის გაჟონვა გახდა.
„ჩვენ თვითონ ძალიან გვაინტერესებს რა მოხდა, ადგილზე პირველადი შემოწმებისას არანაირი გაჟონვა არ ფიქსირდებოდა და ჩვენი მხრიდან სამუშაოები უნაკლოდ იყო შესრულებული. რამ გამოიწვია გაჟონვა არ ვიცით. ექსპერტიზის დასკვნის პასუხი სავარაუდოდ ორ კვირაში გვეცოდინება.“. – განუცხადეს „ფორტუნას“ გაზის კომპანია შპს “დიდი დიღომში“.
შეგახსენებთ, დიდ დიღომში აფეთქება პირველ სექტემბერს, გამთენიისას მოხდა. დაშავებულები ნიგერიის მოქალაქე ქალი და ბავშვი არიან. ასევე დაშავებულია მამაკაცი, ის ადგილობრივების ინფორმაციით, აფეთქების დროს გვერდზე სახლში იმყოფებოდა.
წყარო: „ფორტუნა“
კომენტარები