თბილისის მერიაში შინმოვლის სერვისი ფუნქციონირებს, რომლებიც დედაქალაქში მცხოვრები ადამიანებისთვის არის განკუთვნილი. ჯანმრთელობის პრობლემის მქონე პირებს სერვისის ფარგლებში სპეციალისტების მომსახურების მიღება თანადაფინანსებით შეუძლიათ.
რა არის ქვეპროგრამის არსი?
პროგრამა ითვალისწინებს სოციალურად დაუცველი ოჯახების მონაცემთა ერთიან ბაზაში 200 001- ზე ნაკლები სარეიტინგო ქულით რეგისტრირებული პირების შინმოვლის მომსახურებით უზრუნველყოფას.
ვინ არიან ქვეპროგრამის ბენეფიციარები?
სოციალურად დაუცველი ოჯახების მონაცემთა ერთიან ბაზაში 200 001-ზე ნაკლები სარეიტინგო ქულით რეგისტრირებული პირები, რომლებიც ფიზიკური უძლურების შეფასების სპეციალური “ბართელის” კითხვარის შევსების შედეგად მიიღებენ ბართელის ინდექსს არაუმეტეს 95 ერთეულსა. (400-500 ლარი.)
რას მოიცავს ქვეპროგრამა?
მოსარგებლეთა ჯანმრთელობის მდგომარეობის მართვის, პერსონალური მოვლის, ყოველდღიურ საქმიანობაში დახმარების, მისი და მისი გარემოცვის ფსიქოსოციალური დახმარების გზით კომპლექსური მოვლის განხორციელებას. აღნიშნული ღონისძიება, ინდივიდუალური გეგმის შესაბამისად, მრავალდარგობრივი გუნდის მიერ ბინაზე მოვლას მოიცავს.
როგორ უნდა მიიღოს პირმა მომსახურება?
მომსახურების მისაღებად ბენეფიციარმა ან მისმა უფლებამოსილმა წარმომადგენელმა ქ. თბილისის მუნიციპალიტეტის მერიას უნდა მიმართოს.
primetime.ge
კომენტარები