ლევან ჯავახიშვილი
„ალიას“ ესაუბრება „ქართული მარშის“ ლიდერი, სანდრო ბრეგაძე:
-ამ საყოველთაო გაჭირვების დროს, მაშინ, როდესაც ყოველდღიურად, სოც-ქსელებში უამრავ განცხადებას ვნახულობთ, რომ ბავშვებს წამლისა და საოპერაციო ფული არ აქვს და ხალხს დახმარებას სთხოვენ მათი მშობლები, ხალხს შია, საზოგადოებრივი ტრანსპორტით გადაადგილება არ შეუძლიათ, ლამის დაიცალა ქვეყანა და ხალხი საზღვარგარეთ გარბის ოჯახის სარჩენი ფულის საშოვნელად. ძალიან ამაზრზენია ამ ფონზე, „ქართული ოცნების“ აღვირახსნილი დეპუტატების უცხოეთის კურორტებიდან, ოჯახებთან ერთად გადაღებული ფოტოების გამოფენა სოც-ქსელებში და იმითი მეტიჩრობა, რომ დღეში 2000 ლარს იხდიან სასტუმროში. თურქულ კურორტებს აღარ კადრულობენ, იტალიის, საბრძნეთისა და ესპანეთის ძვირადღირებულ კურორტებზე ისვენებენ. ეს არის კორუფციის ნათელი მაგალითი. როგორ შეიძლება პარლამენტის დეპუტატს ჰქონდეს იმის საშუალება, რომ დღე-ღამეში 2000 ლარს იხდიდეს სასტუმროს ნომერში?! ასევე, ეს არის თავხედობის, გოიმობის, ქაჯობისა და უზნეობის გამოვლინება. როგორ შეიძლება, მაშინ როდესაც ბავშვებს საჭმლის ფული არ აქვთ, საქართველოს საკანონმდებლო ორგანოს წარმომადგენელი, დედაღორივით გასიებულ საკუთარ თანამეცხდრეს ასი ათასობით ლარი გადაუხადოს ბოტოქსისა და ფილერის გაკეთებაში?! აი, ეს მარაზმი და ეს საშინელება აუცილებლად უნდა დამთავრდეს. ეს კასტა იცით, რისი ღირსია? 1917 წელს რომ გააკულაკეს და პასუხი აგებინეს ბევრ მჩაგვრელებს, ამის ღირსები არიან. თავიანთი გაუმაძღრობით, იმ დონემდე მიიყვანენ ამ ხალხს, რომ ქვეყანაში სოციალურ რევოლუციას მოახდენენ და ისეთი პროცესები წავა, როგორიც თავის დროზე იყო. აი, ეს არის ყველაზე ამაზრზენი და საშინელება, ამ ღორების და მათი ოჯახის წევრების გამაძღარი საახეების ყურება. იმდენს ვერც ხვდებიან, რომ ამით, ამ ისედაც გაუბედურებულ ხალხს, ნერვები რომ აღარ შერჩენიათ, კიდევ უფრო აღიზიანებენ.
– თავად ახდენენ საკუთარი თავის ლუსტრირებას. ფაქტიურად, ამ ფოტოების, ვიდეობის სახით დებენ არაპირდაპირ მტკიცებულებებს საკუთარი კორუფციული საქმიანობისას, ბიუჯეტიდან მოპარული მილიონებისას. არა?
– ბოდიში და, ამათ უკვე ფეხებზე ჰკიდიათ ლუსტრაციაც, ზუსტად ეს არის ცუდი. უკვე ისე გათავხედნენ, რომ დარწმუნებულნი არიან, ყველაფერი შერჩებათ და არასდროს არავინ მოსთხოვს პასუხს. „ქართული ოცნების“ დეპუტატები, „ნაცმოძრაობის“ დეპუტატებთან ერთად, არიან აღვირახსნილი ადამიანები და მათმა თავხედობამ უკვე პიკს მიაღწია. ზოგჯერ ერთადაც ისვენებენ იმ უცხოურ კურორტებზე. არამარტო ჩაგრავენ საქართველოს მოსახლეობას, დასცინიან კიდეც. პირობას ვდებ, ქართველი ერი ძალიან მალე და ძალიან მკაცრად მოსთხოვს მათ პასუხს!!!
კომენტარები