როგორ მოხვდა გურჯაანელი მეწისქვილე კარანტინში?

სუსის უფროსის ყოფილი პირველი მოადგილე, სოსო გოგაშვილი, სოციალურ ქსელში, წერს:

“კიდევ პოზიტივი:
მოკლედ ესეც 3 კაციან ბირჟაზე მოვისმინე ცოტა ხნის წინ.
ნამდვილიაო თავს იკლავენ და რავიცი აბა, გურჯაანელებმა ან დაადასტურეთ ან უარყავით, მე მოგონილი მგონია და ანეგდოტს დავარქმევ.
კოლაგელ შენგელას ჰქონია პატარა წისქვილი, რომელსაც გაუფუჭდა რაღაც დეტალი. შენგელამ დაიწყო შეკეთება თვითონ და რომ ჩართო სატესტო რეჟიმში შემთხვევით ახლო მისულს ღვედში ჩაყვა ცხოვრების აზრი. ხოდა გამოიძახეს სასწრაფო დახმარება და გადაიყვანეს თბილისში,მერე აღმოჩნდა კარანტინში მყოფ ხალხთან ერთად ბაკურიანში თურმე, არ იციან როგორ. მეორე დღეს ბაკურიანში, ამოწმებენ სავარაუდო ინფიცირებულებს, მოვიდა შენგელას ჯერიც და ექიმი ეუბნება რა გაწუხებსო, აბა მომიყევით თქვენი ავადმყოფობის ისტორიაო. შენგელა გამწარებულია ტკივილით, კარგავს აზრს. თან იმითაც, რომ შეიძლება კორონავირუსიანებისგან დაინფიცირდეს ჯანმრთელი გურჯაანელი. არც აცია, არც აცხელა, ჩაიხადა, ამოიღო და დაუდო მაგიდაზე და ეუბნება: აი ეს ან შემიხვიეთ ან მამაჭერით,აღარ შემიძლია, ხალხი არა ხართო. აქ რას მაყურყუტებთო.
ექიმი გაგიჟდა თურმე, რომ მოისმინა ავადმყოფობის ანამნეზი. აუტეხია ერთი ამბავი და სასწრაფოდ დაუბრუნებიათ უკან შენგელა, ეხლა იზოლაციაში ზისო.

აი ჩვენ ვინ, ან რა მოგვერევა მითხარით აბა?”