სტიქიის ზონაში გადარჩენილი მარიტა გუტაშვილი, რომელმაც ამ დრომდე არ იცის, ცოცხალია თუ არა მისი ძმა, და, დეიდა, ორი დეიდაშვილი, ბიძაშვილი სამი შვილით, რომელმაც წუხანდელი ღამე ტყეში გაათენა, დანარჩენ ადამიანებათან ერთად, რადგან სახელმწიფომ ამ ადამიანებს უთხრა, ბოდიში, ღამე და ვერ გამოგიყვანთო და ვერც მეზობელი ქვეყნებისთვის ვერტმფრენების თხოვნის საჭიროება დაინახა, წერს:
“Papuna Margvelidze Gocha Enukidze Sergi Khidesheli კაბინეტენში სხედხართ მაინც და გეგმა ჩამომიწერეთ როგორ გავაგრძელო ცხოვრება ამის მერე. მარტო მე ვრჩები ოჯახიდან ცოცხალი. ონის მუნიციპალიტეტის მერია”
ცნობისთვის, დღეს დილით ვერტმფრენებმა მუშაობა განაახლეს და სწორედ ვერტმფრენის დახმარებით მოხერხდა ამოყვანა იმ ახალგაზრდა ქალის ცხედრის, რომელიც მთის ამბების ცნობით, ადგილობრივებმა იპოვეს. თუმცა, ამ მომენტისთვის ვერტმფრენებით სამძებრო სამუშაოები ისევ შეწყვეტილია, რადგან, ამჯერად – გაწვიმდა.
კომენტარები