ადრე ადგომაზე უფრო ძნელი ალბათ მხოლოდ უძილობა თუ იქნება. მათთვის, ვისაც COVID-19-ის პანდემიის გამო მრავალ ქვეყანაში შემოღებული საყოველთაო კარანტინის დროს უძილობა აწუხებს, ინსომნიის (უძილობა) ექსპერტს, დოქტორ ლეს გელისს რვა რჩევა აქვს.
დოქტორი გელისი ნიუ-იორკის სირაკუზის უნივერსიტეტის მეცნიერებისა და ხელოვნების კოლეჯის ფსიქოლოგიის დეპარტამენტის ასოცირებული პროფესორია. მისი კვლევები ფოკუსირებულია იმ კოგნიტურ და ბიჰევიორულ ელემენტებზე, რომლებიც გავლენას ახდენს სტრესზე, უძილობასა და ძილის სხვა აშლილობებზე. ამჟამად ის უძილობის სამკურნალო მეთოდზე მუშაობს, პარალელურად კი კოლეჯის სტუდენტებში იკვლევს ძილის პრობლემების მიზეზებსა და შედეგებზე.
საკუთარ კვლევებზე დაყდნობით, დოქტორი გელისი გვთავაზობს რვა რჩევას, რომელიც ამ სტრესულ პერიოდში ღამის კარგ ძილში დაგვეხმარება.
- ნუ დარჩებით საძინებელში მაშინ, როცა არ გძინავთ; ადექით საწოლიდან, როდესაც ვერ იძინებთ და შფოთავთ იმის გამო, რომ ჩაძინება არ გამოგდით.
- შექმენით ბნელი გარემო და დაწოლამდე მოერიდეთ ელექტრონული მოწყობილობების გამოყენებას.
- შეზღუდეთ დღისით წაძინება და კოფეინის მიღება.
- არ უყუროთ საათს.
- შეეცადეთ, ძილის წინ იფიქროთ მხოლოდ ემოციურად ნეიტრალურ რამეებზე (არ იღელვოთ, არ იფიქროთ პრობლემების გადაჭრაზე ან რაიმეს დაგეგმვაზე).
- პრობლემების გადაჭრაზე აქტიურად იმუშავეთ დღის განმავლობაში, რათა შემდეგ ადვილად გაუმკლავდეთ ამჟამინდელ სტრესფაქტორებს.
- მოერიდეთ ძილის შესახებ ფიქრს. ძილი ბიოლოგიური საჭიროებაა, რომელიც ბუნებრივად მოდის მაშინ, როცა მშვიდ მდგომარეობაში ხართ.
- და თუ ასეთი ზოგადი რჩევები მაინც არ მოქმედებს, მიმართეთ პროფესიონალს და ძალიან იფრთხილეთ საძილე საშუალებების მიღებისას.
1.ტვ
კომენტარები