“როგორ ბედავს სააკაშვილის კლასტერი დამიძახოს?” – ვინ გააცხარა ბურჯანაძე?

პირდაპირ ეთერში ნინო ბურჯანაძის გაღიზიანება გია ვოლსკის ფრაზამ გამოიწვია.

ვოლსკიმ „დემოკრატიული პარტიის“ ლიდერს სააკაშვილის კლასტერი უწოდა.

ბურჯანაძემ ვოლსკის აჭარის ტელევიზიაზე, ვახო ხუზმიაშვილის გადაცემა „თავისუფალ სივრცეში“ უპასუხა.

„როგორ ბედავს გიორგი ვოლსკი რომ იძახის ბურჯანაძე სააკაშვილის კლასტერიაო. სად იყო გიორგი ვოლსკი, როდესაც 21 მაისს პროცენტულად ყველაზე მეტი აჭარელი გამოვიდა სააკაშვილის რეჟიმის გასაპროტესტებლად.

სად იყო მაშინ ბიძინა ივანიშვილი და სხვა ქართული ოცნების მომხრეები?! და მერე რეალურად იმის ნაცვლად რომ სააკაშვილს და ნაციონალურ მოძრაობას შებრძოლებოდნენ, ბურჯანაძეს და მის პარტიას შეებრძოლნენ.

ის ადამიანები, მათ შორის ჩემი აჭარელი აქტივისტები ციხეში ჩაყარა დღეს დაწინაურებული ჰყავთ ვოლსკის და მის მომხრეებს.

გაცხარება ნამდვილად არ მინდოდა, მაგრამ მოდით ჩემო აჭარლებო გადახედეთ პროკურატურაში, სასამართლოში და პოლიციაში ის ადამიანები სხედან დღეს მაღალ კაბინეტებში, ვინც გვიჭერდა 21 და 26 მაისის აქციების მონაწილეებს“