“როგორ ამხნევებდნენ პრემიერს ბიზნესმენები, რას ეუბნებოდნენ?”

ჟურნალისტი, ვახო სანაია, სოციალურ ქსელში, წერს:

დღე სრულდება და შევაჯამოთ

სოსო ფხაკაძე:

გავამხნევეთ პრემიერი და როცა ვამხნევებდით პრემიერს, მან თქვა, რომ საკმაოდ მხნედ ვარო. კი, ჩვენ ვამხნევებდით, ბუნებრივია. მაგრამ პირდაპირ გვითხრა, რომ – გამხნევებული ვარ, კარგად ვარ, ფორმაში ვარ.

ნათია მეზვრიშვილი – მოგიწოდებთ, მოვითხოვთ, გემუდარებით, წესები დავიცვათ მაქსიმალურად.

ამირან გამყრელიძე ბინაში მყოფ კორონავირუსით ინფიცირებულ პაციენტებს ურჩევს, რაც შეიძლება მეტი სითხე მიიღონ და მეტი იმოძრაონ.

ამირან გამყრელიძე – „რემდესივირი“ ქვეყანაში შემოვა მხოლოდ კვლევის ფარგლებში და არ იქნება გაყიდვაში, ამის ილუზიას ნუ შევქმნით.

პაატა იმნაძე – ბინაზე და კოვიდსასტუმროებში მყოფ პირებს არ სჭირდებათ არანაირი მკურნალობა – უნდა მოისვენონ, მიიღონ ბევრი სითხე და მორჩა – ეს არის მათი მკურნალობა

გია ხუხაშვილი – გამყრელიძე, ცერცვაძე და იმნაძე ძალიან გაერთნენ პოლიტიკით. სამი მუშკეტერი რომ ვეძახეთ, დიუმა ალბათ, საფლავში ბრუნავს.

ცოტა ბუნდოვანია სამი საკითხი:

1. რატომ ამხნევებდნენ ბიზნესმენები პრემიერს ?

2. როგორ ამხნევებდნენ, რას ეუბნებოდნენ ?

3. თუ პრემიერი ეუბნებოდა მხნედა ვარო, ესენი მაინც რატომ ამხნევებდნენ ?”

შეგახსენებთ, დღეს საქართველოს ბიზნეს-ასოციაციის პრეზიდენტი სოსო ფხაკაძე პრემიერს შეხვდა ბიზნესმენებთან ერთად და შეხვედრის დასრულების შემდეგ, თქვა, რომ მათ პრემიერი გაამხნევეს.