თბილისის ნაწილს წყალი ისევ გრაფიკით მიეწოდება. უხერხულობა და უდიდესი დისკომფორტი წესით რამდენიმე დღეში მოიხსნება – მას შემდეგ, რაც სოფელ წიწამურთან დაზიანებული წყალსადენი სრულად აღდგება.
„ჯორჯიან უოთერ ენდ ფაუერი” ცდილობს რაც შეიძლება მალე მოგვარდეს პრობლემა. სამუშაოები 24-საათიან რეჟიმში მიმდინარეობს. აღნიშნული მაგისტრალი სასმელი წყლით ამარაგებს მცხეთას, თბილისში ვაკე-საბურთალოს და გლდანის რაიონების ნაწილს.
წყალსადენის დაზიანებული მონაკვეთი რთულად მისადგომ რელიეფზე გადის, რის გამოც სამუშაოები რთულდება.
კომენტარები