ქართული ოცნების“ თავმჯდომარემ ირაკლი კობახიძემ ბრიფინგზე დასმულ შეკითხვას, რატომ აკრიტიკებს მუდმივად „ქართული ოცნება“ უკრაინის ხელისუფლებას და იგივე კრიტიკა რატომ არ ისმის რუსეთის ხელისუფლების მიმართ., ასე უპასუხა:
„რაც შეეხება ზოგადად ჩვენს დამოკიდებულებას , რა თქმა უნდა ჩვენ, გამომდინარე იქიდან, რომ დღეს უკრაინა ომის მდგომარეობაშია მისი ხელისუფლების მიმართ ვცდილობთ ვიყოთ მაქსიმალურად თავშეკავებული, მაგრამ ხშირად რთულია არ გამოხატო პოზიცია მაშინ, როდესაც ყოვლად ალოგიკურ გადაწყვეტილებას იღებენ. მაგალითად, იმასთან დაკავშირებით, რომ ელჩი გაჰყავთ ქვეყნიდან, ან როდესაც აკეთებენ განცხადებებს იმასთან დაკავშირებით, რომ რუსეთის სამხედროებს უნდა ჰქონდეთ სხვა საქმე გარდა უკრაინელი ქალების და ბავშვების დახოცვისა. ანუ უნდა ჰქონდეთ საქმე, რასაც ჰქვია ქართველი ქალების და ბავშვების დახოცვა და არამარტო კაცების დახოცვა. ამაზე როდესაც საუბრობს მაგალითად, მათი უშიშროების საბჭოს მდივანი, როდესაც საქართველოს ომში ჩართვაზე საუბრობს პრეზიდენტის მრჩეველი და ა.შ. რა თქმა უნდა, ამას სჭირდება სათანადო პასუხები და მკაცრი პასუხები. კიდევ ერთხელ გავიმეორებ თვითონ პიროვნებებთან დამოკიდებულებას, ჩვენ გვაქვს სერიოზული კითხვის ნიშნები იმ ადამიანების მიმართ, რომლებიც 40 წლის ასაკში გახდნენ უკრაინის პატრიოტები და რომლებიც მანამდე გამოირჩეოდნენ პრორუსული განწყობებით და არამარტო განწყობებით, პირდაპირ საქმით. მაგალითად, იგივე პოდოლიაკი იყო დაახლოებული იანუკოვიჩთან, გონჩარენკო იყო პირდაპირ იანუკოვიჩის პარტიის წევრი და ა.შ. ასეთი ადამიანები, რომლებიც მანამდე იყვნენ პრორუსული განწყობების და საქმის მკეთებელი ადამიანები დღეს, 40 წლის ასაკში გახდნენ უკრაინელი პატრიოტები. ის, რომ მათ უნდათ დღეს, საქართველოში ომი და ის, რომ წარსულში ისინი დაკავშირებული იყვნენ იანუკოვიჩთან, ამ ორ ფაქტს შორის პირდაპირი კავშირია“,
კომენტარები