,, რიჟვაძის წერილს რომ ვკითხულობდი, ელდა მეცა, მეთქი ვანოს წერილის ქსეროასლი ხომ არ არის…” – ბექა კობახიძე

ისტორიკოსი ბექა კობახიძე:

,,იყო ერთი ძველი ბოლშევიკი, სტალინთან ნაძმაკაცარი, ორჯონიკიძის ახლო მეგობარი – ვანო ჯეჯელავა. 1920 წელს იუნკერთა სკოლაზე თავდასხმას ეგ ხელმძღვანელობდა.
ბედის ირონიით, ჩემი ცოლის დიდი ბაბუა გახლდათ. 1936 წელს ბერიას კაბინეტიდან გამოსულმა თავი მოიკლა და დატოვა წერილი. დღეს რიჟვაძის წერილს რომ ვკითხულობდი, ელდა მეცა, მეთქი ვანოს წერილის ქსეროასლი ხომ არ არის…

ვანომაც ბოდიში მოუხადა ოჯახს, ფულს ვერ გიტოვებთო (ოღონდ იმან მართლა ვერ დაუტოვა. პირიქით, ვალები დატოვა) და მადლობა გადაუხადა პარტიას.

რატომ ქნა ეს ვანომ? თვითმკვლელობამდე მის გარემოცვას სულ სათითაოდ მიადგნენ და იცოდა შემდეგი ის იყო. მას კი მისი ოჯახის რეპრესირება მოყვებოდა. თვითმკვლელობითა და პარტიისადმი ბოდიშის მოხდით მან ოჯახი გადაარჩინა.
რატომ აღმოჩნდა რიჟვაძის წერილში ბატონიბიძინა? ამიტომ!
რა სიმბოლურია, რომ ვანოს კიდევ ერთი შვილთაშვილი იმ 84 დეპუტატს შორისაა, ვინც შარშან რუსულ კანონს მხარი დაუჭირა. ისტორიას უყვარს სიმბოლოები.

შარშან მე და კიდევ ბევრი გიმეორებდით, რომ თქვენც მოგადგებიან, ამხანაგო ქოცებო, აუცილებლად მოგადგებიანთქო. ვიცოდი, რადგან სხვანაირად არასდროს მომხდარა ამ ქვეყნის ისტორიაში, მაგრამ თქვენ ისტორია რა იცით?

აგერ ვნახე, რიჟვაძის ყველაზე თავგამოდებულ მეხოტბე ვინმე ასლან ლორთქიფანიძეს მისი ყველა ფოტო წაუშლია ფეისბუქიდან; ნინო ჯღარკავამ მიაგდო ირაკლი ღარიბაშვილი და კობახიძის პანეგერიკების წერა დაიწყო; ნოშიკონამორაძეებშიც ვერ ყოფილა კარგად საქმე.

ამასაც ვერ გაიგებთ, თქვე უბედურებო, მაგრამ თქვენი გადარჩენის ერთადერთი შანსი უკრაინის სრული გამარჯვებაა რუსეთთან ომში, რათა ცხელი ტყვიის ნაცვლად სამართლიანი სასამართლო და ცივილიზებული პასუხისმგებლობა რომ გეღირსოთ.“