არსებობს ძალიან დიდი რისკი, რომ საქართველოსთან უვიზო რეჟიმი შეჩედრეს, – ამის შეასხებ “პირველებთან” ინტერვიუში “რადიო თავისუფლების” ევროპის ბიუროს რედაქტორმა რიკარდ იოზვიაკმა ისაუბრა.
მისი თქმით, ბრიუსელში აზრი ორ ნაწილად იყოფა: ერთი ნაწილი ფიქრობს, რომ საქართველოს იგნორირება საკმარისია, რადგან „ევროკავშირი მათ აღარ აინტერესებთ. მეორე ნაწილი კი მოითხოვს უფრო მკაფიო ნაბიჯებს. როგორც იოზვიაკი განმარტავს, საუბარია ან სანქციებზე, რომელთა შეთანხმება რთული იქნება, ან უვიზო რეჟიმის შეჩერებაზე, რაც ბევრად რეალისტურ ვარიანტად განიხილება. მისი ინფორმაციით, საკითხი გვიან შემოდგომაზე კვლავ განიხილება და მასზე გავლენას ადგილობრივი არჩევნების შედეგებიც იქონიებს.
“ბრიუსელში აზრი ორ ნაწილად იყოფა. ზოგი ამბობს, რომ მოდი, უბრალოდ, დავაიგნოროთ საქართველო, მათ ევროკავშირი, უბრალოდ, აღარ აინტერესებთ. ჩვენი სამყარო საქართველოს ირგვლივ არ ტრიალებს. მათ უფრო დიდ თევზთან აქვთ საქმე – რუსეთი, უკრაინა. არის ქვეყნები, რომლებიც ამბობენ, რომ ეს საკმარისი არ არის, უნდა მოძებნონ ისეთი რამ, რომ ძლიერი სიგნალი გაგზავნონ. ეს ან სანქციებია, რომელზეც შეთანხმება ძალიან რთულია, ან უვიზო რეჟიმის შეჩერება. ეს კითხვა გვიან შემოდგომაზე ისევ დაისმევა. სანქციები არა, თუმცა უვიზო რეჟიმის შეჩერება შეიძლება, ნამდვილად მოხდეს. ისინი ადგილობრივ არჩევნებსაც დააკვირდებიან. ამის შემდეგ ამ საკითხს გადახედავენ. გაცილებით მკაცრი პოზიცია ექნებათ ზოგადად ადამიანის თავისუფალ მიმოსვლაზე ევროკავშირში. ძალიან დიდი შესაძლებლობაა, რომ უვიზო რეჟიმი შეჩერდეს”, – ამბობს იოზვიაკი.
კომენტარები