რუსეთის საგარეო საქმეთა მინისტრის მოადგილემ, სერგეი რიაბკოვმა აშშ-ს სახელმწიფო მდივნის მოადგილესთან ჟენევაში გამართული შეხვედრის შემდეგ თქვა, რომ რუსეთს სჭირდება უკრაინისა და საქართველოს NATO-ში არშესვლის გარანტიები.
“ხაზს ვუსვამთ,ჩვენთვის სრულად აუცილებელია დავრწმუნდეთ, რომ უკრაინა NATO-ს წევრი არასდროს გახდება. ჩვენ გვსურს, რომ მადრიდის სამიტზე NATO-ს მიერ ბუქარესტის სამიტზე 2008 წელს მიღებული ფორმულა უკან იქნას წაღებული და შეიცვალოს როგორც: “უკრაინა და საქართველო არასდროს გახდებიან ჩრდილოატლანტიკური ალიანსის წევრები””, – თქვა რიაბკოვმა.
“ჩვენ მოგვბეზრდა ფუჭი საუბრები, სანახევრო დაპირებები, არასწორი ინტერპრეტაციები, რაც ხშირად ხდებოდა დახურულ კარს მიღმა მიმდინარე მოლაპარაკებებზე. ჩვენ არ ვენდობით მეორე მხარეს. ჩვენ გვესაჭიროება რკინაბეტონივით მყარი, იურიდიული მნიშვნელობის გარანტიები, არა დაპირებები, არამედ გარანტიები, სიტყვებით: “უნდა”, “ვალდებულები არიან”, არასდროს გახდნენ NATO-ს წევრები. ეს რუსეთის ეროვნული უსაფრთხოების საკითხია”, – დაამატა რიაბკოვმა.
10 იანვარს ჟენევაში ერთმანეთს შეხვდნენ აშშ-ს სახელმწიფო მდივნის მოადგილე, ვენდი შერმანი და რუსეთის საგარეო საქმეთა მინისტრის მოადგილე, სერგეი რიაბკოვი. მოლაპარაკებები ფაქტობრივად უშედეგოდ დასრულდა, მხარეები საკუთარ ძველ პოზიციებზე დარჩნენ.
“ჩვენ არავის მივცემთ უფლებას NATO-ს ღია კარის პოლიტიკა მიაჯახუნოს, რაც NATO-სთვის მუდამ მნიშვნელოვანი იყო”, – თქვა შერმანმა შეხვედრის შემდეგ.
კომენტარები