რევოლვერი, რომლითაც 140 წლის წინ ცნობილი ამერიკელი ყაჩაღი ბილი კიდი მოკლეს, Bonhams-ის აუქციონზე 6 მილიონ დოლარად გაიყიდა.
„კოლტის“ ტიპის რევოლვერს ექსპერტები 3 მილიონ დოლარად აფასებდნენ, თუმცა სააუქციონო სახლის საკომისიო გადასახადების გათვალისწინებით მისმა ფასმა 6,03 მილიონი დოლარი შეადგინა. სწორედ ამ იარაღით 1881 წელს ტეხასელმა შერიფმა პეტ გარეტმა ბილი კიდი მოკლა. რევოლვერი ჯიმი და ტერეზა ერლის კოლექციაში ინახებოდა, თუმცა 2019 წელს ჯიმის გარდაცვალების შემდეგმა ოჯახმა მთელი კოლექციის გაყიდვა გადაწყვიტა.
ნიუ-იორკის მკვიდრი უილიამ ჰენრი მაკარტი, რომელიც ბილი კიდის სახელით გახდა ცნობილი, არიზონისა და ნიუ-მექსიკოს შტატებში 8 ადამიანის მკვლელობისთვის იძებნებოდა. შერიფმა გარეტმა მრავალთვიანი ძიების შემდეგ ბილი კიდი ნიუ-მექსიკოს შტატში, ფორტ-სამნერში იპოვა და 1881 წლის 14 ივლისს მოკლა.
კომენტარები