რეპერი, რომელმაც ლევან ბერძენიშვილს სიმღერა მიუძღვნა, მინისტრის მოადგილის შვილია

რეპერი, რომელმაც ლევან ბერძენიშვილს სიმღერა მიუძღვნა, მინისტრის მოადგილის შვილია. ინფორმაციას ამის შესახებ „რადიო თბილისი“ ავრცელებს.

„რეპერი, რომელმაც ლევან ბერძენიშვილს სიმღერა მიუძღვნა, მინისტრის მოადგილის შვილია.
რეპერი გიორგი პავლიაშვილი იგივე”მასტერი”, საქართველოს გარემოს დაცვისა და სოფლის მეურნეობის მინისტრის მოადგილის, სოლომონ პავლიაშვილის ვაჟია.
სოლომონ პავლიაშვილი, შევარდნაძისდროინდელი მინისტრი და პარლამენტის ყოფილი წევრია.
საქართველოს მეხუთე მოწვევის პარლამენტის წევრი და საგარეჯოს მაჟორიტარი დეპუტატი, პავლიაშვილი 1999 წელს, “მოქალაქეთა კავშირის” წარდგენით გახდა.
ედუარდ შევარდნაძის მმართველობის პირობებში, 2001-2003 წლებში , სოლომონ პავლიაშვილი, საქართველოს ქონების მართვის მინისტრის თანამდებობას იკავებდა. 2003-2004 წლებში კი, ის საქართველოს ეკონომიკის, მრეწველობისა და ვაჭრობის მინისტრის მოადგილედ მუშაობდა.
საქართველოში ერთიანი ნაციონალური მოძრაობის ხელისუფლებიდან წასვლის შემდეგ, პავლიაშვილი, საქართველოს გარემოსა და ბუნებრივი რესურსების დაცვის მინისტრის მთავარი მრჩეველი იყო.
2017 წლის 1 ოქტომბრიდან 2017 წლის 15 დეკემბრამდე, ასრულებდა საქართველოს გარემოსა და ბუნებრივი რესურსების დაცვის მინისტრის მოვალეობას. 2016-2017 წლებში, პავლიაშვილს საქართველოს გარემოსა და ბუნებრივი რესურსების დაცვის მინისტრის პირველი მოადგილის თანამდებობა ეკავა.
რადიო თბილისის ინფორმაციით, 2017 წლიდან დღემდე, სოლომონ პავლიაშვილი “ქართული ოცნების” ხელისუფლების საქართველოს გარემოს დაცვისა და სოფლის მეურნეობის მინისტრის მოადგილეა“, – აღნიშნულია გავრცელებულ განცხადებაში.