ექიმი რევაზ ბოჭორიშვილი კორონავირუსის სამკურნალო გზებზე და ბოლო საერთაშორისო კვლევებზე საუბრობს და აღნიშნავს, რომ რემდესივირის და სხვა პრეპარატების ეფექტი კორონავირუსის მკურნალობაში არ დადასტურდა.
„დასრულდა ყველაზე დიდი საერთაშორისო კვლევა კოვიდის სამკურნალოდ ნაცად სხვადასხვა პრეპარატებზე – „SOLIDARITY” . რემდესევირის და სხვა პრეპარატების ეფექტი კოვიდის მკურნალობაში არ დადასტურდა. პლაქვენილზე საერთოდ..
თავიდანვე ანტივირუსულ თერაპიაზე მთავარი აქცენტის გაკეთება, თანაც საეჭვო პრეპარატებით, ალბათ შეცდომა იყო. რემდესივირის ისტორია კი საერთოდ, კონფლიქტთა ინტერესის, მხოლოდ კომერციული სარგებელის ძიების, თაღლითობისა და ა.შ. მაგალითია. პრეპარატი რომელიც ერთი კონკრეტული ვირუსისთვის შეიქმნა ( მერე გაყიდვები ჩაწვა) ვერანაირად ვერ იქნებოდა ეფექტური სრულიად სხვა სტრუქტურის ვირუსზე..
თავად ფაუჩის პროტექციით საქართველო რომ თითქოს მონაწილეობდა ამ კვლევაში, ტყუილი აღმოჩნდა. არაა საქართველო კვლევაში მონაწილე ქვეყნების ჩამონათვალში. აგერაა სტატიის ორიგინალი. – https://www.medrxiv.org/…/2020.10.15.20209817v1.full.pdf+ht…
საქართველო საერთოდ არანაირ საერთაშორისო რანდომიზირებულ კვლევაში კოვიდზე არ მონაწილეობს. სულ სომხეთი რომ მოჰყავთ ნეგატიურ მაგალითად, ის მონაწილეობს..
https://clinicaltrials.gov/ct2/covid_view/world
ასევე, საფრანგეთი არ აპირებს რემდესივირის გამოყენებას. ჯანდაცვის უმაღლესმა ორგანომ, HAS მა რომელიც ამერიკული FDA ს ანალოგია და ნებისმიერი სამკურნალო პრეპარატის გამოყენების ნებართვას იძლევა, შეისწავლა საკითხი და ასევე დაასკვნა რომ რემდესივირის ეფექტურობა დაბალია და არ ამართლებს მის ანაზღაურებას სოციალური დაზღვევის სისტემის მიერ.
https://www.has-sante.fr/…/evaluation-des-traitements-de-la…
ეს ფორმულირება პრეპარატის არ გამოყენებას გულისხმობს, ვინაიდან არცერთი ჭკუათმყოფელი ფრანგი არ გადაიხდის 2000 ევროს პრეპარატში რომელიც არაეფექტურია..
მორჩეს საქართველოში ცრუ დაიმედება რემდესივირის, პლაქვენილის და სხვა გაურკვეველი მეთოდების ეფექტურობასა და მათ გამოყენებაზე.. მარტო “ტრამპის პროტოკოლს“(მეცნიერულად არარსებულს) გამოვიყენებთო, რად ღირს..
საქართველოში დღეს რაც ხდება, მსგავსი დაბოლების, კოვიდის გაპოლიტიზირებისა და მკერდში მჯიღების ცემის შედეგიცაა..
პირბადეების მუდმივი ტარება (სწორი ტარება!) , მათ შორის ქუჩაშიც, ხელების პერმანენტული დაბანა დამუშავება, ხვევნა პლოშვნისა და ხელის ჩამორთმევის შეწყვეტა, ქეიფებისა და შეკრებების შეზღუდვა (6 კაცზე მეტს არ ურჩევენ ინგლისსა და საფრანგეთში) , შენობების მუდმივი განიავება, გრიპის აცრის დროული გაკეთება… საღი და კრიტიკული აზროვნება… ჯერ ჯერობით ესაა ყველაზე ეფექტური.“ – წერს ექიმი.
კომენტარები