რეგიონში მიმდინარე სამხედრო დაპირისპირების ფონზე თბილისისა და ბათუმის საერთაშორისო აეროპორტებიდან დაგეგმილი რამდენიმე ავიარეისი გაუქმდა. საუბარია თელავივის, დოჰას, აბუდაბის, დუბაისა და ქუვეითის მიმართულებებზე.
გადაწყვეტილების მიზეზად ავიაკომპანიები უსაფრთხოების რისკებს ასახელებენ.
უცხო ქვეყნის მოქალაქეები ამ დრომდე გაურკვევლობაში არიან და არ იციან, როდის შეძლებენ გამგზავრებას. ისინი განმარტებებს ელოდებიან როგორც ავიაკომპანიებისგან, ისე საკუთარი ქვეყნების საელჩოებისგან.
“ავიაკოპანიის წარმომადგენლები ადგილზე არ გვცემენ მკაფიო პასუხებს და გვთავაზობენ, უბრალოდ, დავტოვოთ აეროპორტი, თუმცა არ გვიხსნიან ბილეთების გადაცვლის, თანხის დაბრუნების ან რეისის გადატანის პროცედურას. გთხოვთ, მოგვაწოდოთ ოფიციალური განმარტება რეისების გადადების ოფიციალური მიზეზების შესახებ, გვაცნობოთ ბილეთების ან თანხის დაბრუნების წესები, განგვიმარტოთ, რა უნდა გააკეთონ მგზავრებმა მოცემულ სიტუაციაში . უნდა აღინიშნოს, რომ ამჟაად მუსლიმებისთვის წმინდა რამადანის თვეა და თითოეული მგზავრისთვის ეს მოგზაურობა განსაკუთრებით მნიშვნელოვანია. ჩვენ ველით ადამიანურ დამოკიდებულებას, პატივისცემას და კომუნიკაციას. ჩვენთვის მთავარი არ არის მხოლოდ თანხის დაბრუნება, გვინდა მკაფიო ინფორმაცია და შესაძლებლობა, რომ ბილეთები გადავცვალოთ უახლოეს ხელმისაწვდომ რეისზე”, – ამბობს მგზავრი.
პასუხების მოლოდინში არიან საქართველოს მოქალაქეები. ქართველი გოგონა, რომელიც დუბაიში იმყოფება და საქართველოში გამოფრენა სურს, ინტერესდება, რა შეიძლება მოიმოქმედოს უახლოესი საათებისა და დღეების განმავლობაში.
“მშვიდი დილა არ არის. დილიდან აფეთქებები ისმის დუბაი მარნეზე. ჩვენ დილიდან ვრეკავთ აეროპორტში და აეროპორტი დაკეტილი და იმის მიუხედავად, რომ შეიძლება ჩვენი ფრენის სტატუსი არ შეცვლილა და არ არის დაქენსებული, 99% არ შესრულდება” – ამბობს საქართველოს მოქალაქე.
კომენტარები