პრეზიდენტის გუნდს მისი მრჩეველი ტოვებს და ოპოზიციაში მიდის. სპეციალურად საფრანგეთიდან სალომე ზურაბიშვილთან სამუშაოდ ჩამოსულმა ალექსანდრე ასათიანმა არჩევანი უკვე გააკეთა. ასათიანმა პრეზიდენტის სასახლის შიდა ამბებზე, სალომე ზურაბიშვილის ურთიერთობაზე ბიძინა ივანიშვილთან, პრემიერებთან და მიხეილ სააკშვილზე “პირველებთან” ისაუბრა.
“კავშირი ზურაბიშვილსა და ივანიშივილს შორის არის. ურთიერთობა მთავრობასთან ღარიბაშვილის პრემიერობის შემდეგ დაეძაბა, – უყვება “პირველებს” პრეზიდენტის გუნდის უკვე ყოფილი წევრი.
“ოცნება” წყობიდან სალომე ზურაბიშვილის გადაწყვეტილებამ გამოიყვანა – საკითხი ეროვნული თანხმობის კამპანიას უკავშირდება. “ოცნებისგან” დამოუკიდებელი პოლიტიკური მოქმედება და ორბელიანის სასახლეში მიღებაზე ოპოზიციის ლიდერების დაპატიჟება ივანიშვილის პოლიტიკური მემკვიდრეებისთვის წითელი ხაზი აღმოჩნდა.
იყო ეროვნული თანხმების პროცესი და მანდ ვნახეთ, რომ ყველა დიდი ძალა საქართველოში მზად იყო მაგაში მონაწილეობისთვის, მათ შორის „ნაციონალური მოძრაობა“. მათი რიტორიკა იყო, რომ უნდა დასაჯოთ ოპოზიციის წევრები და თანხმობა და დეპოლარიზაცია მეორე ხარისხოვანი არის, მანდ იყო პირველი დიდი კონფლიქტი,“ – ამბობს ალექსანდრე კრევო-ასათიანი.
კომენტარები