პირველად 43 წლის განმავლობაში საქართველოს კათალისკოს პატრიარქმა არ გამოსცა საშობაო ეპისტოლე, მიმართვა, რომელსაც მრევლი მთელი წელი ელოდებოდა.
“მთავარის” ინფორმაციით, თავდაპირველად ეპისტოლეს სამი ვერსია არსებობდა, მასზე პატრიარქის მითითებით სპეციალური ჯგუფი მუშაობდა. ეპისტოლეს საბოლოო ვერსიაში პატრიარქმა ჯგუფს ერთერთ ეპიზოდზე შინაარსის შეცვლა დაავალა, ეს ცვლილება ტექნიკურად ვეღარ მოესწრო, რადგან ჩვენი ინფორმაციით, პატრიარქის მდივან რეფერანტს გუშინ გვიან ღამით კორონავირუსი დაუდასტურდა, რის გამოც ტექნიკურად ვეღარ მოხერხდა ამ შინაარსის შეცვლა. უცნობია, რაზე იყო მსჯელობა და აზრთა სხვადასხვაობა.
ეპისტოლეს წაკითხვა ვერ მოხერხდა, თუმცა, პატრიარქის დავალებით მეუფე დანიელმა იოანე ოქროპირის საშობაო სიტყვა წაიკითხა.
მღვდელმთავრები კი, ასე გამოეხმაურნენ კითხვას – თუ რატომ არ წაიკითხა პატრიარქმა ეპისტოლე?
- “პატრიარქმაც საჭიროდ ჩათვალა, რომ იოანე ოპროპირის ქადაგება მოგვესმინა. პერიოდულად, სხვადასხვა დროს სხვადასხვანაირად ხდება”, – ამბობს ერთერთი მღველმთავარი.
- “ხომ წაიკითხა მეუფე დანიელმა იოანე პქროპირის სიტყვა. არ ვიცი ვერ გეტყვით, იოანე ოქროპირის სიტყვა წაიკითხა მეუფე დანიელმა, საშობაო. არ ვიცი ვერ გეტყვით… როგორ არ აქვს ხალხისთვის სათქმელი, ელაპარაკება სულ, აბა რას შვება?”, – ამბობს მეუფე ნიკოლოზი (ფაჩუაშვილი)
იმედგაცრუებულები არიან თეოლოგებიც, როლებმაც ალტერნატიული ეპისტოლე გამოაქვეყნეს, რომელიც ეხება 2020 წლის აქტუალურ საკითხებს: პოლიტიკას, კორონავირუსის პანდემიას, სოციალურ საკითხებს და ე.წ კარტოგრაფების საქმეს.
ტრადიციულად, ეპისტოლეში ილია მეორე საუბრობდა ქვეყნისთვის ყველაზე უფრო მტკივნეულ და საჭირბოროტო საკითხებზე, მათ შორის ერის სულიერებაზე, პოლიტიკაზე, სოციალურ მდგომარეობაზე და ასე შემდეგ.
მოგვიანებით, ჟურნალისტებს არქიმანდრიტმა იოანე მჭედლიშვილმა განუცხადა.
„აუცილებლად გამოქვეყნდება ეპისტოლე დღეს“
კომენტარები