22 თებერვალს, გამოცემა თაიმერმა გაავრცელა ინფორმაცია, რომ მარნეულის ეპისკოპოსი, გიორგი (ლერი) ჯამდელიანი, მესტიის მერის პირველი მოადგილის, ნელი (ნანუჩი) ნავერიანის ქალიშვილზე, მაგდა ჯაფარიძეზე დაქორწინდა.
მთავარი არხის ცნობით, ინფორმაციას მეუფე გიორგის დაქორწინების შესახებ, მეუღლის ოჯახის ახლობლები არ უარყოფენ. ზოგნი ამბობენ, რომ მიულოცეს, ზოგნი ამბობენ – რომ მერე რა მოხდა, შეუყვარდა და ა.შ. თუმცა, ოჯახი ამბობს, რომ მაგდა ჯაფარიძე დიდი ხანია გათხოვდა, დეიდა კი ამბობს, რომ ჯერ არ გათხოვილა, როგორც ჩანს, ჯერ ერთ ვერსიაზე ვერ შეთანხმდნენ.
მესტიაში, მთავარ არხს უდასტურებენ რომ გოგოს ოჯახი, განსაკუთრებით კი ეპისკოპოსის სიდედრი ნელი ნავერიანი, რომელიც მესტიის მერის მოადგილეა, მილოცვებს იღებს.
თეოლოგები ამბობენ რომ ეს საეკლესიო წესდების დარღვევაა, რადგან ბერად აღკვეცილ მაღალ სასულიერო პირს – სჯულის კანონი ქორწინებაში ყოფნას კატეგორიულად უკრძალავს.
მეუფე გიორგი ჯამდელიანი ამტკიცებს რომ ეს ინფორმაცია სიმართლეს არ შეესაბამება და დაინტერესებული პირების მხრიდან მის მიმართ აგორებული ჭორი და შურისძიებაა.
მუფე გიორგი:
“არ ვაკეთბ კომენტარს ამ სისულელზე, რატომ უნდა გიპასუხოთ, მე ვისთან… ისა რა ქვია… არ ვიცი, ვინ მაგდა ჯაფარიძეზე მესაუბრებით, ვერ ვხვდები საერთოდ.”
იმ შემთხვევაში თუ დადასტურდება, რომ მარნეულისა და ჰუჯაბის ეპისკოპოსმა ცოლი მოიყვანა, ან ქალთან თანაცხოვრებაშია, მაშინ საპატრიარქოს უმძიმესი გადაწყვეტილების მიღება მოუწევს. საგანგებოდ სინოდალური კომისია უნდა შეიკრიბოს და მღვდელმთავრებმა გადაწყვეტილება ხმათა უმრავლესობით უნდა მიიღონ – დატოვებენ თუ დაატოვებინებენ წმინდა სინოდს მარნეულისა და ჰუჯაბის ეპარქიის მღვდელმთავრობას.
კომენტარები