გორის მე-3 საჯარო სკოლაში მშობელსა და პედაგოგს შორის ინციდენტი მოხდა. არსებული ინფორმაციით, დაწყებითი კლასების მასწავლებელმა და ერთ-ერთი ბავშვის მშობელმა იჩხუბეს.
ინციდენტის შესახებ საქმის კურსშია გორის საგანმანათლებლო რესურსცენტრიც.
“დეტალებზე ვერ ვისაუბრებ, თუმცა ინციდენტს ნამდვილად ჰქონდა ადგილი. დაწყებითი კლასის პედაგოგსა და მშობელს შორის მოხდა უთანხმოება. მომხდარზე სადისციპლინო კომისია იმსჯელებს”, – ამბობს რესურცენტრის ხელმძღვანელი, ნანა ნერმაკოზაშვილი.
“მოზაიკას” ინფორმაციით, ერთ-ერთი მოსწავლის მშობელი კლასის დამრიგებელსა და სხვა მოსწავლეების მშობლებს დაუპირისპირდა.
ერთ-ერთი მშობელი “მოზაიკას” უყვება, რომ დაპირისპირება კლასში ახალი მოსწავლის გადმოსვლას მოჰყვა.
“გადმოვიდა ახალი ბავშვი ამ კლასში, ვერ შეეწყო კლასელებს, სცემდა და აბულინგებდა, რის გამოც მშობლებმა დაწერეს საჩივარი და დირექტორს შეუტანეს, მოითხოვეს ეს ბავშვი სხვა გადაეყვანათ. ამ ბავშვის მშობელმა ეს რომ გაიგო, კლასის დამრიგებელი დაადანაშაულა, რომ შენ აამხედრე მშობლები ჩემი შვილის წინააღმდეგო. კრებაც მოიწვიეს და უერთიერთბრალდებები იყო”, – უყვება ერთ-ერთი მშობელი “მოზაიკას”.
კომენტარები