,,რატომ გარბის ხალხი ქვეყნიდანო, თუ კი ასეთი წარმატებული ხელისუფლება გვყავსო” – დავით ქართველიშვილი

ექსპერტი დავით ქართველიშვილი:

,,თითქოს ან პასუხს გავურბოდე, ან უხერხული კითხვების დასმა მაჩერებდეს. რატომ გარბის ხალხი ქვეყნიდანო, თუ კი ასეთი წარმატებული ხელისუფლება გვყავსო. აქვე ამატებენ – “ეხლა ნაცებში არ ჩამწეროთო”. არ გწერთ! მაგრამ – ყველას! თითოეულ გასულს ამ ქვეყნიდან აქვს თავისი, ინდივიდუალური მოტივაცია და მიზეზი – თუ რატომ გადაწყვეტეს ამ ნაბიჯის გადადგმა! არავითარ კოლექტიურ გაქცევას ქვეყნიდან – ადგილი არა აქვს. ზოგი – პირდაპირ კრიმინალური მოტივით მიდის აქედან. არ დამიწყოთ ეხლა – “როგორ გეკადრება”. ძარცვა, ქურდობა, მძევლების აყვანა, ყაჩაღობა – ყველაფერი, რაც საქართველოში გართულებულია, ბევრს სწორედ მის ფარგლებს გარეთ იზიდავს.

ზოგი ოჯახში დატრიალებული ტრაგედიის გამო მიდის – ფინანსური ვალდებულებების დასაფარად, ან ნარკომანიის, ან ლუდომანიის, ან ოჯახის წევრის პატიმრობის გამო. უამრავია მიზეზიც და მოტივაციაც – მაგრამ ადგილზე ჩასულებს იმედგაცრუება რომ დახვდა, ეხლა ხელისუფლებაში “დაბალი ღობის” ამოჩემება – უსამართლობაა. რეალურ მიზეზებზე – ვინ რატომ წავიდა, უმრავლესობა ემიგრანტების პასუხს არ გასცემს. და არც მე არ დავამძიმებ მათ “ჭკუის სწავლებით” – თუ რატომ არ უნდა წასულიყვნენ აქედან. დამიჯერეთ, რომ არა ის, მთავარი მიზეზი, რომლის შესახებ სიმართლე არ გაჟღერდება – დღევანდელი ემიგრანტი სახლში დარჩებოდა. სამ მილიონ ნახევრიანი მოსახლეობის მქონე ქვეყანას დღევანდელ გლობალურ გეოპოლიტიკური და ეკონომიკური კრიზისების პირობებში – გადარჩენის ყველაზე კარგი შესაძლებლობა რომ აქვს, ამაზე დისკუსიებშიც კი არ შევალ…”