“რატომ გადაგახიათ თავზე ამ ხალხმა კონსტიტუცია”

ემიგრანტი ნათათო გიორგაძე, სოციალურ ქსელში, წერს:

“რადგან ერს არ ჰყოფნის თვითშეგნება,რომ სახლში დარჩეს, რადგან ვერავინ ვერ მოახერხა ამ ხალხის შეჩერება, იმიტომ რომ არ სჯერავთ ამ მომაკვდინებელი ვირუსის არსებობის და არღვევენ კარანტინის წესებს, სახელმწიფო ვალდებულია კანონით გათვალისწინებული ყველა ზომა გამოიყენოს და ამ ადამიანებს შეახსენოს კანონის უზენაესობა!
რატომ არ მოხდა ეს ასე?! რატომ არ დაჯარიმდა ის ხალხი,ვინც ეკლესიაში მივიდა და კარანტინის წესები დაარღვია?!
რატომ გადაგახიათ თავზე ამ ხალხმა კონსტიტუცია და თქვენ რატომ მიეცით შესაძლებლობა ეს გაეკეთებინათ?! რატომ არ იმოქმედეთ კანონის შესაბამისად?! იმიტომ ხომ არა,რომ არჩევნები მოდის და სკამებს უფრთხილდებით?! იმიტომ ხომ არა რომ წინასწარ იცოდით ეს ხალხი მაინც მივიდოდა ეკლესიებში და მათი სიმრავლის გამო ვერ გაბედეთ ჯარიმების დაწერა?!
რას მეუბნებით მე, კანონმორჩილ მოქალაქეს?!რას მაყურებინებთ?! როგორ იშლება სახელმწიფო?!როგორი შერჩევითი გვაქვს სამართალი და როგორი უსუსური და დაუცველი ვარ მე, ამ ქვეყანაში?!
იმის გამო,რომ თქვენი რეიტინგი არ დაეცეს საარჩევნოდ, თქვენ გაწირეთ თქვენი მოქალაქეები და ხელი შეუწყვეთ ვირუსის გავრცელებას! დიახ თქვენ, ხელისუფლების წარმომადგენლებს, ვისაც ქვეყნის მართვა გევალებათ გეუბნებით, რომ ვერაფერი ვერ გააკეთეთ ამ ხალხის შესაჩერებლად.შეგნებულად არ მიიღეთ მკაცრი ზომები და საფრთხე შეუქმენით მოსახლეობის იმ ნაწილს ვინც დაგემორჩილათ და სახლში დარჩა! ასევე დაანახეთ ყველას,რომ თურმე კანონი ყველასთვის ერთნაირად არ მოქმედებს და ვისაც როგორ უნდა ისე ატრიალებს კონსტიტუციას თავის ჭკუაზე!
ეხლა მე გეკითხებით ყველას; გინდათ ასეთ სახელმწიფოში ცხოვრება?! მოგწონთ ასეთი სახელმწიფო,რომელსაც შერჩევითი აქვს სამართალი?! რისთვის იბრძვით?! ქვეყანაში თუ კანონმა არ იკანონა ის რა ქვეყანაა?!”