მთავრობის ადმინისტრაციაში დღეს ნავთობიმპორტიორებს ელოდებიან. ფასების კომისიის რიგით მეხუთე სხდომა 13:00 საათზეა ჩანიშნული. კობახიძეს მათთან კითხვები საწვავის გაძვირებასთან დაკავშირებით აქვს.
ფასების რეგულირებასთან დაკავშირებით გამოსავალზე საუბარი უჭირს ნავთობპროდუქტების იმპორტიორთა კავშირის ხელმძღვანელს, თუმცა ამბობს, რომ წესების გამკაცრებას მიესალმება.
ეს ახლა, მთავრობის თავმჯდომარე, როგორი წინადადებით მიმართავს და ეტყვის ბიზნესსექტორს, ამისდამიხედვით, ჩვენ ვიმსჯელებთ რა რესურსი იქნება, რა იქნება, როგორ იქნება და ამის მიხედვით გამოვიტანთ დასკვნებს. უბრალოდ, ჩვენ არც კავშირი და არც ვინმე გარედან ფასების წარმოქმნაში არ ერევიან. ეს კომპანიის საქმეა და ამიტომ ყველა ასეთ კითხვაზე პასუხს ალბათ გასცემს ყველა კომპანიის ხელმძღვანელი და წარმომადგენელი. ჩვენ არ ვიცით ჯერ რა ჩამოყალიბებული წინადადებები იქნება, ამიტომ ჩვენ განვსაზღვრავთ ამას, თვითონ კომპანიები განსაზღვრავენ ამას. ის ახალი კანონპროექტი როგორი იქნება, ჯერ არ ვიცით, ამიტომ წინსწრებით არ გვინდა რაიმე კომენტარების გაკეთება. მმომხრე ვარ იმის, რომ საერთოდ, მეტი კონტროლი უნდა იყოს ყველგან, არა მარტო ნავთობპროდუქტებში. რაც მეტი იქნება კონტროლი, მით მეტი მომხმარებელი იქნება დაცული, – ამბობს ვახტანგ იობაშვილი.
ეკონომისტების შეფასებით, საწვავზე ფასების შემცირება აქციზის შემცირებით არის შესაძლებელი. მათი თქმით, ამისთვის პარლამენტში სულ რამდენიმე შეხვედრაა საჭირო.
აქციზის გადასახადი არის 1 ლიტრზე 40 თეთრი. ანუ მთავრობამ მიმართოს პარლამენტს, ზუსტად ერთი სხდომაა საჭირო, რომ აქციზის გადასახადი გაუქმდეს, შესაბამისად, შედეგი იქნება ძალიან მყისიერი. ხვლავე შეუძლიათ, რომ სხდომამ ჩანიშნონ და აქციზი გააუქმონ. ამას მოჰყვება ის, რომ უკვე ზეგ იქნება ბენზინი 40 თეთრით ნაკლები. განგვიმარტონ, გადასახადის არდაკლების გარდა კიდევ რა არის ის ხარჯი, რისი მმოკლებაც არის შესაძლებელი ანუ გამოდის, რომ მათი მოგებიდან უნდა დათმონ გარკვეული წილი? ეს ნიშნავს,რ ომ შევიდნენ ბიზნესთან გარიგებაში და შემდეგ ეს ბიზნესი ამ მოკლებულ მოგებას რაღაც დროს დაუკომპენსირებს რაღაცა სხვა ბიზნესით. მაგალითად, “ვისოლს” მისცემს უფრო მეტ სამშენებლო ნებართვას, ფხაკაძეს, გაუგრძელებს ხელშეკრულებას, – ამბობს ბესიკ დონაძე.
ფასების კომისია მუშაობას სავარაუდოდ, დღეს დაასრულებს. მომდევნო კვირიდან პროცესები უკვე პარლამენტში გადაინაცვლებს.
კომენტარები