“ხალხის ძალა” პარტიის დაფუძნებას აანონსებს.
გურამ მაჭარაშვილი, ტვ პირველთან ამბობს:
ჩვენ განვიხილავთ ამ საკითხს, რასაც ჰქვია „ხალხის ძალის“ პოლიტიკურ პარტიად ჩამოყალიბებას. უახლოეს პერიოდში თქვენც და საზოგადოებაც გაიგებს, თუ რა პოლიტიკური სტატუსით წარვდგებით წინასაარჩევნო კამპანიის დროს. ჩვენი ახალი პოლიტიკის ფორმირება გახდა აუცილებელი და ჩვენ აუცილებლად ამ ფორმით თუ იმ ფორმით, ამ პოლიტიკით, რასაც ჰქვია ხალხის აქტიური ჩართულობა ამ პროცესებში, მივიღებთ მონაწილეობას არჩევნებში. რაც შეეხება ბარიერის გადალახვა-არგადალახვის საკითხს, ჩვენ დარწმუნებული იმაში ვართ, რომ საქართველოს საზოგადოების აბსოლუტური უმრავლესობა ემხრობა იმ პოლიტიკას, რა პოლიტიკაც შექმნა „ხალხის ძალამ.
“ქართული ოცნების” წევრი, მიხეილ სარჯველაძე:
თუ ისინი ჩამოყალიბდებიან ცალკე პარტიად, მე არ მგონია, რომ ეს უარყოფითი ფაქტორი იყოს „ქართული ოცნებისთვის“. თითქოს და ისინი არიან პრორუსული განწყობის და ა.შ., მე ასე არ ვხედავ ამ საკითხს და არ მიმაჩნია. მე ვფიქრობ, რომ ერთგვარი დეზინფორმაციის ნაწილია, როდესაც, მაგალითად, მათივე ინიციატივა იგივე ტრანსფარენტულობასთან დაკავშირებით არასამთავრობო ორგანიზაციების დაფინანსების მონათლული იქნა როგორც რუსული ინიციატივა. მე ამ მოსაზრებას არ ვიზიარებ. მე არ მგონია, რომ მათი დარჩენა რაიმე ფორმით ნეგატიური ფაქტორი იყოს, პირიქით, და სიმართლე გითხრათ, ნამდვილად გული დამწყდა, როდესაც ეს ხალხი გავიდნენ ჩვენი პარტიიდან.
კომენტარები