საპატრიარქოს სასჯელი აქრიმანდრიტ დოროთე ყურაშვილს და არქიმანდრიტ ილია თოლორაიას – საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე მედიასთან კომენტარს აკეთებს და ამტკიცებს, რომ სასულიერო პირები შეურაცხმყოფებელი შეფასებების გამო დაისაჯნენ.
“პირველივე შეხვედრიდან დაწყებული ბოლომდე, არცერთი შეკითხვა ამ სასულიერო პირებთან არ ყოფილა – რატომ აკეთებ პოლიტიკურ შეფასებებს, იყო მხოლოდ ის, რატომ აკეთებ შეურაცხმყოფებელ შეფასებებს და რატომ აყენებს შეურაცხყოფას ეკლესიას, პატრიარქს, საპატრიარქო ტახტის მოსაყდრეს. მუდმივად გვთოვდა ჩვენს არ გაგვეკეთებინა წინასაარჩევნოდ პოლიტიკური შეფასებები, რადგანაც ეკლესიას დიდი გავლენა აქვს და არ გავმხდარიყავით მხარე. მსგავსი განცხადებები, რომელიც პოლარიზებას იწვევს საზოგადოებაში, არ უნდა ხდებოდეს სასულიერო პირებისაგან” – განაცხადა ჯაღმაიძემ.
“ტვ პირველის” ჟურნალისტის კითხვაზე, რომელი სახელმწიფოს პრინციპია, როდესაც მოქალაქეებზე ძალადობენ იგივე სამართალდამცველები, რომლებიც არც კი დასჯილან და ამ დროს ეკლესია დუმს? რაზეც ანდრია ჯაღმაიძე ირწმუნებოდა, რომ “ეკლესია არ დუმს”.
“არაფერი არ დუმს ეკლესია. სად იყო დოროთე, როდესაც პატრიარქს ლანღავდნენ 2017-2019 წლებში, ყველაზე მეტად მაშინ სჭირდებოდა პატრიარქის და საპატრიარქოს პოზიციას დაცვა. ერთი არ გვახსოვს პატრიარქის გამოსვლა და მისი მხარდამჭერი განცხადება. ახლა, როცა პატრიარქს აღარ სჭირდება დაცვა, ახლა გაახსენდა. ახლა გაახსენდა მომიტინგეები. სად იყო მაშინ, იქ რომ ვიდექით ქაშუეთთან, რომ ვეხმარებოდით ამ ხალხს”, – ამბობს ჯაღმაიძე.
კომენტარები