რატომ არ ითხოვს ოპოზიცია ახალაიას გათავისუფლებას? – შეთანხმების დეტალები

ოპოზიცია 8 მარტს დადებული მემორანდუმის საფუძველზე, ხელისუფლებისგან ირაკლი ოქრუაშვილის, გიგი უგულავასა და გიორგი რურუას გათავისუფლებას ითხოვს.

სიაში არ არის თავდაცვის ყოფილი მინისტრი ბაჩანა ახალაია.

რატომ? – ამის შესახებ „ერთიანი ნაციონალური მოძრაობა“ განმარტებას „პრაიმტაიმთან“ აკეთებს.

თინა ბოკუჩავა აცხადებს, რომ ხელისუფლებასა და ოპოზიციას შორის მოლაპარაკებები პოლიტპატიმრების შესახებ, იმ პირებს ეხებოდათ, ვის მიმართაც საქმეები 20 ივნისის აქციების შემდეგ აღიძრა, ან განახლდა ↓↓↓

მოლაპარაკებებით გათავისუფლება შეეხებოდა იმ პოლიტპატიმრებს, რომელთა საქმეებიც უკავშირდებოდა 20 ივნისის სისხლიან მოვლენებს ან მას შემდეგ განვითარებულ მოვლენებს და ხელისუფლების მიერ გააქტიურებულ პროცესებს

მხოლოდ და მხოლოდ ეს 3 ადამიანი და მანამდე სანამ გამოუშვებდნენ, ბესიკ თამლიანი არ იყვნენ ქვეყანაში არსებული პოლიტპატიმრები და სხვებიც გვყავს.

თუმცა, მოლაპარაკების საგანი ამგვარი იყო და „ქართული ოცნებისგან“ განსხვავებით არ ვამახინჯებთ მოლაპარაკების რეალურ საფუძველს.

შეთანხმება რაზეც შედგა მხოლოდ ამას ვამბობთ, ეს ძალიან კარგად იციან მათაც, ისევე როგორც ჩვენმა საერთაშორისო პარტნიორებმა, რომლებმაც ღიად დაიწყეს საუბარი პოლიტიკური პატიმრების არსებობაზე ჩვენს ქვეყანაში“