დღეს გამართულ მთავრობის სხდომას ჯანდაცვის მინისტრის ნაცვლად მისი მოადგილე, თამარ გაბუნია დაესწრო. „ჯანდაცვის სამინისტროს საკითხი მთავრობის სხდომაზე დღეს გასატანი არ გვქონია, ამდენად, არ იყო აუცილებელი მინისტრის დასწრება,” – ასე უპასუხა გაბუნიამ ჟურნალისტის კითხვას ეკატერინე ტიკარაძის არყოფნასთან დაკავშირებით.
“ჩემთვის ცნობილია, რომ ქალბატონმა მინისტრმა მიიღო გადაწყვეტილება პოსტი დატოვოს წლის ბოლოს. წლის ბოლომდე პოსტზე დარჩენა მნიშვნელოვანია იმისთვის, რომ დაწყებული პროექტები მივიდეს გარკვეულ ეტაპამდე ან დაიხუროს და გადაბარების პროცესიც რომ იყოს სრულიად უმტკივნეულო.
კანდიდატებთან დაკავშირებით მეც ის ინფორმაცია მაქვს, რაც მედიის საშუალებით ვრცელდება, კონსულტაციები მიმდინარეობს და ჩვენც ველოდებით ახალი კანდიდატის დასახელებას იმისთვის, რომ მასთან ერთად დავიწყოთ მუშაობა. მთავრობის სხდომას დღეს მე ვესწრებოდი, ჯანდაცვის სამინისტროს საკითხი მთავრობის სხდომაზე დღეს გასატანი არ გვქონია, ამდენად, ჩემი დასწრება იქ იყო საკმარისი და არ იყო აუცილებელი მინისტრის დასწრება,”- განმარტა თამარ გაბუნიამ.
კომენტარები