“სანდრო გირგვლიანის ტრაგედიამ დაღი დაასვა ჩემი და ჩემი ოჯახის ცხოვრებას, რომელიც დღემდე მოგვყვება” – ეს კომენტარი ვანო მერაბიშვილმა თათია შარანგიას ინსტაგრამის „სთორში“ საუბრისას გააკეთა.
„ამასწინათ გავარკვიე რომ ჩემი მეგობრის მეგობარი ყოფილა და ცოცხალი რომ ყოფილიყო დღეს შეიძლება ნაცნობები ვყოფილიყავით.
ჩემი შეცდომაა, რომ არ დავუკავშირდი მის მშობლებს. მე მინდა პასუხისმგებლობით განვაცხადო, რომ ჩემი მეუღლის მონაწილეობა ამ საქმეში არ არსებობს. ის იქ რომ იმყოფებოდა ამ ფაქტმა დაამძიმა ეს საქმე.
აქ იყო დამთხვევა და ვინც არიან სანდრო გირგვლიანის მეგობრები, დარწმუნდნენ რომ ამ ტრაგიკულ მოვლენასთან უშუალო შეხება მე და ჩემი ოჯახის წევრებს არ გვქონია“
შარანგიას კითხვაზე უნდა გადამდგარიყო თუ არა გირგვლიანის ტრაგედიის შემდეგ მაშინდელი შს მინისტრი, ვანო მერაბიშვილმა თქვა, რომ იმ ტრაგედიასთან, რომელიც მოხდა და ახალგაზრდა ადამიანმა სიცოცხლე დაკარგა, მისი გადადგომა-არგადადგომა მეორე ხარისხოვანია.
კომენტარები