ყოფილი დეპუტატი, მარიამ საჯაია:
„ყოველთვის, როცა ქალი-კაცის გარჩევაზე თუ ფემინიზმზე მიდგება საუბარი, ჩემთან ამბობენ, “შენ არა, სხვანაირი ხარ, მაგრამ ქალები…ზოგადად…”
არა, ძვირფასებო, მეც ისევე, როგორც სხვა ქალები. და სხვა ქალებიც ისევე, როგორც მე.
ხო, მე შეიძლება მხედავთ, რომ ვარ ძლიერი ქალი. ფსიქიკურადაც და ფიზიკურადაც.
ხო, მე შეიძლება ვარ კიდეც ასეთი, მაგრამ რასაც თქვენ ვერ ხედავთ, არის ჩემი სისუსტე, ჩემი ტრავმები, ძალადობრივი გამოცდილებები.
ყველანაირი.
რაც კი შეიძლება ქალს დაემართოს მხოლოდ და მხოლოდ იმიტომ, რომ ქალია.
მეც მათ შორის.
თქვენ არ იცით ეს იმიტომ, რომ მე არ მიყვარს ვიყო მსხვერპლი.
ეს უბრალოდ არჩევანია, რომლის გაკეთების შესაძლებლობაც გარემოებებმა მომცა (რისიც მადლიერი ვარ) და შევძელი წამოდგომა. არაერთხელ. ბევრჯერ. ძალიან.
მაგრამ ქალების უმეტესობას ამ არჩევანის გაკეთების შესაძლებლობაც კი არ ეძლევათ.
და ამიტომ ვგრძნობ თავს ყველა ქალად, რომელთან მხოლოდ ქალად დაბადების გამო უწევთ ათასგზის სირთულის გავლა.
I’m every woman
I’m everywoman
დღეს აქციაზე ვერ მივდივარ, მაგრამ ეს გრძნობები შემორჩება ჩემი სახლის კედლებს, მაჰსას სახელთან ერთად“
კომენტარები