რას წერს და რას არ წერს აგროჰაბი? – სად მიდის რძე, რომელსაც კომპანიები იწუნებენ და ეცნობა, თუ არა, სურსათის უვნებლობას?

აგროჰაბი არ აკონკრეტებს, შედის თუ არა მათ ქსელში “ყვარლის ბაგადან“  რძე.

ჰიპერმარკეტი “რადიო თავისუფლების“ ჟურნალისტურ გამოძიებასთან დაკავშირებით ოფიციალურ განცხადებას ავრცელებს, რომელშიც აცხადებს, რომ აგროჰაბში წარმოებული ნებისმიერი პროდუქტი ნატურალურ და ჯანსაღ ნედლეულზე მზადდება. განცხადების მიხედვით, მომწოდებლების მიერ მიღებულ პროდუქტი მოწმდება.

კომპანია აცხადებს, რომ მოწმდება რძეც. მათივე თქმით, იყო შემთხვევა, როცა მიღებულმა რძემ არ დააკმაყოფილა შემოწმების კრიტერიუმი და კომპანიას უკან დაუბრუნეს, თუმცა, რომელი კომპანიის რძე იყო, რა სახის დარღვევა იყო და ეცნობა, თუ არა, სურსათის უვნებლობის სამსახურს, რათა ეს რძე არ მოხვედრილიყო სხვა წარმოებაში – ამაზე არაფერს წერს. ისევე, როგორც არ აქვეყნებს რაიმე ტიპის დოკუმენტს, რომ იღებდა რძეს “ყვარლის ბაგებიდან” და ეს რძე საკვებად ვარგისი იყო და ან რაიმე ტიპის დოკუმენტს, რომ არ იღებდა ამ კომპანიიდან რძეს. საერთოდ არ ახსენებს წერილში “ყვარლის ბაგას”.

აგრჰაბი ასევე წერს, რომ მათ მომხმარებელი ენდობა გახსნის დღიდან.

აქვე გაცნობებთ, რომ ალიამ, ჯერ კიდევ გუშინ, ფაქტის გახმაურებიდან 24 და მეტი საათის შემდეგ მიმართა კომპანიას კომენტარისთვის, თუმცა, მათ იგნორი არჩიეს და განცხადება მხოლოდ დღეს გაავრცელეს.

“რადიო თავისუფლება“ ჟურნალისტურ გამოძიებას აქვეყნებს, რომელიც თანახმადაც, ბიზნესმენ ლაშა პაპაშვილის ნედლი რძის მწარმოებელი უდიდესი ფერმა “ყვარლის ბაგა“ ძროხებს ევროკავშირში აკრძალული ქათმის ნაკელით კვებავდა. ის რძით ამარაგებდა სანტეს, სოფლის ნობათს, აგროჰაბს და რძის ლაბორატორიას.