რას პასუხობს ნანუკა ჟორჟოლიანი თეა წულუკიანს?

თეა წულუკიანის ფეისბუქპოსტს ვიდეომიმართვით ეხმაურება ნანუკა ჟორჟოლიანი:

„თეა წულუკიანის ადვოკატი და წარმომადგენელი ამბობდა, რომ მთავარი პრობლემა იყო ჩემი სტატუსის ფორმულირება, სადაც მეწერა, რომ თეა წულუკიანის მამამ დახვრიტა ჩემ მიერ ჩამოთვლილი ადამიანები. ქალბატონი ნათელა ამბობდა, რომ ვინაიდან ავთანდილ წულუკიანი იყო მოსამართლე, მან კი არ დახვრიტა, არამედ დახვრეტა მიუსაჯა. სასამართლო არ მსჯელობდა იმაზე ავთანდილ წულუკიანმა ამ ადამიანებს დახვრეტა მიუსაჯა თუ არა, სასამართლო მსჯელობდა საკითხზე, რომ არ ხვრეტდა ავთანდილ წულუკიანმა და ამას თეა წულუკიანი ახლა გამარჯვებად ასაღებს. რა მოგონილი ქალია, მოგონილი გმირებით, რომლებსაც ძეგლი დაუდგა იუსტიციის სახლის წინ, მოგონილი ამბებით, მოგონილი გამარჯვებებით. სინამდვილეში ამას მედავებოდნენ, ავთანდილ წულუკიანმა დახვრიტა თუ დახვრეტა მიუსაჯა. უტიფრობის ხარისხი რაზე გადის. ჩვენ არ ვიცით რას ითხოვს სასამართლო ჩემგან, განაჩენი ჩაგვბარებია, რასაც არ უნდა ითხოვდეს, ბუნებრივია, რომ სტატუსი არ წაიშლება. ქოცების შემდეგ სასამართლოშიც გასაჩივრდება და შემდეგშიც და სტრასბურგშიც წავა. მინდოდა გცოდნოდათ, თეა წულუკიანის ბედნიერება რაზე გადის. დიახ, ავთანდილ წულუკიანი ადამიანებს სიკვდილს უსჯიდა და თუ ვინმე გადარჩა დღეს და არიან გადარჩენილებიც, მათ შორის ინტერვიუს ეპიზოდი რომ მოჰყავს, იმიტომ რომ ედუარდ შევარდნაძემ ეს მუხლი გაუუქმა და სიკვდილით დასჯა საქართველოში გაუქმდა. ის ფაქტი რომ წულუკიანის მამა ადამიანებს სიკვდილით სჯიდა არ შეცლილა, შეიცვალა ის, რომ სასხლეტზე ხელი არ გამოუკრავს, მისი მხოლოდ განაჩენები იყო და აღასრულებდნენ სხვები”