გირჩის წევრის, სანდრო რაქვიაშვილის თქმით, ზურა ჯაფარიძემ პარტიის ლიდერებს რამდენიმე ულტიმატუმი წაუყენა. როგორც რაქვიაშვილმა TV პირველთან განმარტა, ულტიმატუმი პარტიის მართვისგან ჩამოცილებას და განცხადებებზე “გარკვეულ ცენზურას” ეხებოდა.
“გუშინწინ საღამოს ზურამ გარკვეული ულტიმატუმი წამოგვიყენა, რომლის შინაარსი იყო, რომ ჩვენ უნდა ჩამოვცილდეთ, ალბათ, ეს უფრო იაგოს [ხვიჩია] ეხებოდა ჩამოცილება პარტიის მართვისგან და მათ შორის გარკვეული ცენზურა, რაზე ვილაპარაკოთ და რაზე არ ვილაპარაკოთ. კიდევ იყო ორი ნაკლებად მნიშვნელოვანი პუნქტი.
ბუნებრივია, ეს წარმოუდგენელი რამ არის გირჩში, რომ ვიღაცამ ცენზურა დააწესოს თემებზე, თუ პოზიციებზე. რა თქმა უნდა, ამის შემდეგ იყო მცდელობა გუშინ, რომ ამაზე საუბარი ყოფილიყო. საუბარი არ შედგა. მარტო ვახო მეგრელიშვილს ჰქონდა ამის სამი მცდელობა ჩვენ არ ვიცით, რა არის მიზეზი ულტიმატუმისა და ამ დღევანდელი განცხადების”, — აღნიშა რაქვიაშვილმა.
კომენტარები